د بلخ مسوولان وايي چې د مزارشریف ښار د شادیان صنعتي پارک سړک د ۳۹ میلیونه افغانیو په لګښت سفالت او ګټېاخیستنې ته سپارل شوی دی.
دا سړک د مزارشریف ښاروالي د پراختیايي بودیجې له لارې جوړ شوی او نن دوشنبه، د مرغومې ۲۲مه، په رسمي توګه پرانېستل شوی دی.
ښاروالي اعلان کړی چې سړک په دوه لینونو کې د ۱.۱ کیلومتره اوږدوالی او ۱۴ متره پلنوالي سره په درې میاشتو کې بشپړ شوی دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د مسوولانو په وینا، د دې سړک موخه دا ده چې د صنعتي پارک تولیدي فابریکو ته د تګراتګ اسانتیاوې برابرې شي او د سوداګریزو فعالیتونو لپاره زمینه لاښه کړي.
د بلخ چارواکي هیلهمندي څرګندوي چې د دې سړک پرانیستل به په سیمه کې اقتصادي فعالیتونه پراخ کړي او د صنعتي پارک د کارخونو لپاره ګټور تمام شي.
