د کابل امنيې قومندانۍ تاييدوي چې نن سهار « يکشنبه، د ليندۍ ۲۳مه» د کابل ښار اتمه ناحيه کې ناپېژاندو وسلهوالو يو څارنوال وژلی دی.
د یادې قومندانۍ وياند فردوس فرامرز وايي، دغه څارنوال «حبیبالله» نومېده.
د نوموړي په وينا، دغه څارنوال نن سهار شاخوا ۸ بجې او ۲۰ دقيقې د کابل کارتهنو سيمه کې ووژل شو.
فرامرز زياتوي، د پېښې په اړه د پوليسو پلټنې پيل شوې دي.
تر اوسه پورې کوم شخص يا ډلې د پېښې مسووليت نه دی منلی.
دې سره د ولسمشر لومړي مرستیال امرالله صالح پر فېسبوک پاڼه ليکلي، امنیتي ځواکونو هغه کس نیولی چې غوښتل یې پر لویې څارنوالۍ د برید لپاره د دغې ودانۍ د شاوخوا ارزونه وکړي.
د نوموړي په وینا، نیول شوی کس د وسلهوالو طالبانو غړیتوب لري او په تړاو به یې نور جزییات راتلونکيو څو ورځو کې خپاره شي.
