د روزګان ولایت مسوولان وايي چې یوه کس د دغه ولایت په چهارچینو ولسوالي کې خپله مېرمن په مرمۍ وژلې ده.
د سلاموطندار پښتو فېسبوکپاڼه وڅارئ
د روزګان د والي ویاند احسانالله حماس سلاموطندار ته وويل چې د محمدنسيم په نوم دغه کس تېره ورځ خپله مېرمن وژلې ده.
هغه وايي، پېښه د کورني تاوتريخوالي له امله شوې ده او په وینا یې، د قاتل د نيولو لپاره یې هڅې روانې دي.
په ورته وخت کې يوه سرچينه چې نه غواړي نوم یې یاد شي، وايي چې ياد کس څلور مياشتې مخکې له دغې ښځې سره واده کړی و.
دا په داسې حال کې ده چې په وروستیو څو میاشتو کې د هېواد په بېلابېلو ولایتونو کې د کورني تاوتریخوالي، وزګارتیا او اقتصادي ستونزو له کبله ورته پېښې شوې دي.
