بادغیس کې یوه محلي سرچینه سلاموطندار ته وايي چې دغه ولایت کې یوه نجلۍ په تېروتنه د خپل ورور لهخوا وژل شوې ده.
د سرچینې په وینا، پېښه پرون شنبه د کب ۲۷مه د بادغیس مرکز قلعهنو ښار د لومړۍ امنیتي حوزې اړوند «درویش محمدي» سیمه کې رامنځته شوې ده.
سرچینه زیاتوي دغه نجلۍ هغه مهال د خپل ورور له لوري په تېروتنه د ټوپک په ډز ووژل شوه چې نوموړي خپله وسله پاکوله.
سرچینې ټينګار کړی چې دغه نجلۍ لومړی ټپي شوې وه او روغتون ته پر لاره یې ساه ورکړې ده.
سلاموطندار پر ټویټر هم وڅارئ
دا په داسې مهال دی چې له دې وړاندې هم دغه ولایت او د هېواد په یوشمېر نورو سیمو کې ورته پېښې رامنځته شوي دي.