د دغه ولایت د کلیو پراختیا او بیارغونې ریاست مسوولان وایي، دغه شبکه د لوګر په ازرې ولسوالي کې د درې میلیونه افغانیو په لګښت بشپړه او ګټېاخیستنې ته وسپارل شوه.
د ورکړل شویو معلوماتو له مخې، دا پروژه د ماشومانو لپاره د ملګروملتونو ملاتړې ادارې (UNICEF) له لوري د شپږو میاشتو په ترڅ کې جوړه شوې چې شاوخوا ۱۵۵ کورنۍ ورڅخه په مستقیمه توګه ګټه اخلي.
د سلاموطندار پښتو فېسبوکپاڼه وڅارئ
د یادې پروژې پرانېست غونډې کې د لوګر مرستیال والي مولوي محمدانوردین پرور او د کلیو پراختیا او بیارغونې ریاست رییس په ګډون یوشمېر محلي مسوولانو هم ګډون کړی وو.
مرستیال والي وویل، اړتیا ده چې ورته د څښاک پاکې اوبو پروژې د لوګر په پاتې ولسوالیو کې هم جوړې شي. نوموړي ټینګار وکړ چې ولسي وګړي دې د یادو شبکو څخه په سمه توګه ساتنه وکړي.
هیره دې نه وې چې له دې وړاندې هم د ملګرو ملتونو د ماشومانو ملاتړ صندوق(UNICEF) له لوري ددغه ولایت په مرکز پل علم او یو نورو ولسوالیو کې هم ورته د څښاک پاکو اوبو شبکې جوړې او ګټې اخېستنې ته سپارل شوي دي.