د کندهار د پوهنې ریاست مطبوعاتي مسوول نظرمحمد صمیمي سلاموطندار ته وویل، میوند ولسوالۍ کې د دوه ورځې وړاندې موټربم برید د «ملالې میوندۍ او د غازي ایوب خان» د ۲ لېسو او د ولسوالۍ د پوهنې امریت یو شمېر خونې ورانې کړې دي.
صميمي وايي، سیمې ته د نظارت ډله لېږل شوې چې تر را ګرځېدو وروسته به د زیان کچې په اړه ارقام خپاره کړي.
د کندهار د پوهني ریاست د شمېرو له مخې میوند ولسوالۍ کې ۱۸ ښوونځي فعال دي چې ۴۳۰۰ نارینه او ښځینه زدهکوونکي په کې درس لولي.
خو د «ملالې میوندۍ» د نجونو لېسې او د «غازيایوب خان» د هلکانو لېسې چې زیاتره برخې یې تازه د وسلهوالو موټربم برید له کبله ورانې شوي، له فعالیت څخه پاتې شوې.
په ورته وخت کې د کندهار یو شمېر اوسیدونکي د جګړې له ښکېلو خواوو غواړي چې ټولګټو ځایونو ته تاوان ونه رسوي، ځکه زیان یې یوازې ولس ته رسېږي.
د یادونې وړ ده چې دوه ورځې وړاندې د میوند ولسوالۍ پر امنیې قومندانۍ د مازدا ډوله موتر د چاودنې له کبله ۴۰ پولیس او ولسي خلک ټپيان او ۴ ووژل شول.
میوند د کندهار ـ هرات پر لویهلار پرته ناامنه ولسوالۍ ده چې له تېرو ۱۳ ورځو راهیسې په کې طالبان افغان ځواکونو سره په جګړه بوخت دي.
