رویټرز خبري اژانس ویلي، د ریښتر په کچه دغې ۷.۷ درجې زلزلې د میانمار په مانډالې ښار کې تر ټولو زیات زیانونه اړولي چې د ژغورنې هڅې یې هم ټکنۍ کړې دي.
دغه زلزله کې تر ۱۶۰۰ ډېر کسان مړه شوي او زرګونه نور ټپیان دي.
له خاورو د جسدونو را اېستلو هڅې روانې دي او ښايي د مرګژوبلې شمېرې نورې هم لوړې شي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دې سره، د امریکا د ځمک پېژندنې مرکز بیا خبرداری ورکړی چې د زلزلې له امله د مړو شویو کسانو شمېر به له لس زرو هم پورته شي.
میانمار کې د تېرې جمعې په ورځ د ریښتر په کچه ۷.۷ درجې زلزله وشوه چې ګڼ شمېر مالي او ځاني زیانونه یې اړولي او پراخې ودانۍ په کې نړېدلي دي.
په ورته مهال یوشمېر هېوادونو میانمار ته د مرستو لېږد ژمنه کړې ده. همداراز د میانمار ګاونډ ټایلنډ هېواد ځینې سیمې هم د یادې زلزلې له امله زیانمنې شوې دي.