د پروان امنیه قومنداني مسوولان وايي چې دغه ولایت کې د تېرو درېوو میاشتو پرمهال د پاسپورټ وېش له درکه څه باندې څلور میلیونه افغانۍ عواید راټول شوي دي.
د امنیه قومنداني ویاند فضلالرحیم مسکینیار نن شنبه، چنګاښ ۳۰مه سلاموطندار ته وویل چې د روان ۱۴۰۳کال په لومړیو درېوو میاشتو کې خلکو ته ۸۰۸۴ جلده پاسپورټونه وېشل شوي دي.
د سلاموطندار پښتو فېسبوکپاڼه وڅارئ
د نوموړي په وینا، د یادو پاسپورټونو وېشل له درکه ۴۲۸۸۵۷۵۰ افغانۍ عواید ټول شوي دي.
د امنیه قومنداني ویاند فضلالرحیم مسکینیار زیاته کړه چې دغه ولایت کې د پاسپورټ وېش لړۍ له ځنډ پرته روانه ده او هره ورځ، لسګونه کسان د پاسپورټ اخیستلو لپاره مراجعه کوي.
له دې وړاندې هم دغه ولایت کې یوشمېر دولتي ادارو خپل راټول کړي عواید په ډاګه او د چارواکو په وینا، د دولتي خزانې ته یې سپارلې دي.
