د خوست او ننګرهار امنیتي مسوولان وايي چې دغه ولایتونو کې د ځنګلپرې کولو په تور ۱۳ کسان نیول شوي دي.
د ننګرهار د رسنیو دفتر څخه په خپره شوې خبرپاڼه کې راغلي چې د دې ولایت د پچيراګام ولسوالي مېلوې سيمه کې د امنيتي مسوولانو له لوري هغه اووه کسان نيول شوي چې په ځنګل کې يې ونې پرې کړې وې.
د سلاموطندار پښتو فېسبوکپاڼه وڅارئ
د خبرپاڼې د معلوماتو له مخې، یادو کسانو سره ۲۰ چارتراش نيول شوي چې اوس د شنې قطعې له ځواکونو سره دي.
بلخوا د خوست امنیه قومنداني نن «شنبه، چنګاښ ۲۳مه» په يوې خبرپاڼه کې ویلي، د ياد ولايت د تڼیو ولسوالي د اوومې حوزې سرتېرو او د ځنګل ساتنې قطعې لهخوا شپږ کسان د همدې ولسوالي په نریزې کلي کې د ځنګلپرې کولو په تور نیول شوي دي.
خبرپاڼه کې دا هم ويل شوي چې د موسیخېلو ولسوالي په غلنګ سیمه کې امنيتي ځواکونو د لرګیو سکارو اووه بټۍ چې د ځنګلانو قانون خلاف دی، لهمنځه وړې دي.
خبرپاڼه زياتوي چې د ځنګلوهنې مخنیوی د سرپرست حکومت د مشرتابه د ځانګړي فرمان پر بنسټ رامنځته شوی او دې برخه کې د ځنګلونو پرې کولو مخنیوي لپاره جوړه شوې شنه قطعه چمتو ده، څو له ځنګلاتو ساتنه وکړي او ځنګل غوڅوونکي د قانون منګولو ته وسپاري.