ټاکل شوې چې نن په قطر کې د روان ۲۰۲۲ کال د فوټبال نړیوال جام سیالۍ د یو لړ مراسمو په ترڅ کې پیل شي.
په دغه نړیوال جام کې ۳۲ لوبډلې برخې لري چې د قطر په اوو لوبغالو کې به د یو بل پر وړاندې لوبې وکړي او یوه میاشت به دوام ولري.
د نړۍ له بېلابېلو هېوادونو څخه زرګونه سیلانیان او د فوټبال لوبې مینهوال د خپلو لوبډلو د ملاتړ او تشویق لپاره قطر ته رسېدلي او لا هم پر لاره دي.
د نن ورځې په پرانېستله سیالۍ کې به کوربه قطر لوبډله له ایکوادور لوبډلې سره لوبه وکړي. په یاد نړیوال جام کې به ټولې ۶۴ لوبې وشي.
همداراز د یادو سیالیو په لړ کې به سبا له دوو ګروپونو څخه درې لوبې ترسره شي.
ایران به انګلستان سره ولوبېږي، سنیګال به نیدرلنډ سره مخ شي او امریکا به د ویلز پر وړاندې خپل بخت وازمايي.
