د بلخ د زارع ولسوال سیفالرحمان رحماني وايي، طالبانو دغه مېرمن چې د دغې ولسوالۍ مرکز کې یې امنیې قومندانۍ ته نږدې ژوند کاوه، تېره شپه دولت سره د همکارۍ په تور لومړی له کور څخه تر خپل کنټرول لاندې سیمې ته بیولې او وروسته یې وژلې ده.
رحماني وویل، طالبانو د دغې مېرمنې جسد یوه کنده کې تر خاورو لاندې غورځولی و.
د بلخ د زارع ولسوال په وینا، دغې مېرمې دولت سره هېڅ همکاري نه درلوده او داچې د پولیسو قومندانۍ ته نږدې یې ژوند کاوه، طالبانو دولت سره د همکارۍ په تور وژلې ده.
نوموړي وویل، یادې مېرمنې ۴۲ کاله عمر درلود او یوې بېوزله کورنۍ کې یې ژوند کاوه.
په همدې حال کې د بلخ د امنيې قومندانۍ ویاند عادل شاه عادل دغه پېښه تاییدوي او وايي، طالبانو تېره یوه میاشت کې زارع ولسوالۍ کې دوه مېرمې او یو نارینه دولت سره د همکارۍ په تور وژلي دي.
.
