د لغمان مرستیال والي اخترمحمد مزمل وايي چې ۱۴۰۳کال په بېلابېلو برخو کې لغمان کې ۸۸ پروژې پلان شوی وې چې ۵۲ پروژې بشپړې او د ۳۶ نورو کارونه روان دي.
نوموړي دغه څرګندونې نن سهشنبه، وري پنځمه لغمان کې د تېرکال پرمهال د لاستهراوړنو او پلانونو په اړه جوړه شوې غونډه کې د وینا پرمهال کړې دي.
نوموړي په دې غونډه کې وویل چې پر دې پروژو يو میلیارد او (۲۴) میلیونه افغانۍ لګښت شوی چې ۱۶ لویې او وړې پروژې د سرپرست حکومت له خپلې بودیجې څخه د (۱۸۶،۴) میلیونه افغانیو په ارزښت پلې شوې دي.
په ورته مهال د مهترلام ښاروال مولوي رحمتالله شهامت دې غونډې ته وویل چې ۱۴۰۳ کال کې څه باندی ۱۰۲ میلونه عواید راټول کړي چې (۷۷ ) میلیونه يې په (۱۴) پروژو لګولي او یادو پروژو کې د ښار دننه سړکونو جوړول او ترمیم، د پلي تګ لارو جوړول او نورې پروژې شاملې دي.
همدارنګه د مهاجرینو رییس مولوي غلامالرحمن بلال وویل چې ۱۴۰۳ کل کې د ګاونډیو هېوادونو څخه ۲۱۶۵ کورنۍ لغمان ته راستنې شوي چې له ټولو کورنیو سره د مېشتېدو برخه کې همکاري شوې ده. د بلال د معلوماتو په اساس، تېرکال کې ۷۷۸۶ کورنیو سره نغدي او غیر نغدي مرستې شوې او همدارنګه ۱۵۰ کورنیو کوچني او متوسط کورنه برابر شوي دي.
هغه زیاته کړه چې د همکارو موسسو په مرسته د ۹۷ میلیونه افغانیو په ارزښت په لغمان کې د مهاجرینو په برخه کې پروژې پلې کړې چې پهکې د ځوانانو مرکز، کلینیکونه او ښوونځي شامل دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
په یاد کنفرنس کې د کلیو پراختیا او بیارغونې رییس مولوي عبدالظاهر زرکمر وویل چې خلکو ته د پاکو اوبورسونې په برخه کې یې د یونېسف په مرسته ۱۲ شبکې جوړې کړې چې شپږ زره کورنۍ ترې استفاده کوي.
د زرکمر په وینا، کلیو ته د سرک جوړونې په برخه کې یې د خوړو نړیوال سازمان په مرسته ۱۹۰ پروژې تطبیق کړې چې شاه اوخوا ۲۸۰ میلیونه افغانۍ لګښت پرې راغلی او د یاد ریاست په چوکاټ کې د موسساتو په مرسته له شل زره اړمنو کورنیو سره مرستې په دوامداره ډول مرستې تر سره شوي چې ۶۰۰ میلیونه افغانیو ارزښت یې درلود
په لغمان کې د شاهي کانال پروژې چارې روانې دي او همدارنګه د مهاجرینو لپاره د ښارګوټي کوړول او د برښنا په برخه کې د بابا صیب په دښته کې په اوه سوه جریبه ځمکه د سولري برښنا جوړول چې سل میګا واټه ظرفیت به ولري، په روان کال کې به یې چارې پیل شي.
