هندي رسنیو راپور کړی چې تېره ورځ (پنجشنبه، جوزا ۲۲) احمد اباد ښار کې د الوتکې لوېدو پېښه کې د ۲۴۲ مسافرو له ډلې یوازې یو ژوندی پاتې دی او نور ټول وژل شوي.
د هند دولتي هوايي چلن ائرانډیا لخوا په دې اړه ویل شوي: «اې ای ۱۷۱ شمېره الوتکه چې له احمد اباد د لندن ګېټویک هوايي ډګر ته پرلار وه، تېره ورځ له یوې پېښې سره مخ شوه او تر الوتنې څو دقیقې وروسته بیرته وغورځېده.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هندي چارواکو داسې حال کې د لږ تر لږه ۲۴۱ مسافرو وژل کېدل تائید کړي چې د یوه بریتانوي ژوندي پاتې کېدو رپوټونه ورکړل شوي دي.
د هند لومړی وزیر مودي د ایر انډیا الوتکې د پېښې ځای ته ورغلی او د الوتکې د تورو بکسونو موندلو لټون روان دی.
دغه الوتکه د یوه کالج له لیلیې سره لګېدلې او د راپورونو پراساس، شاوخوا ۵۰ محصلان هم په کې ټپي شوي او روغتون ته لېږدول شوي دي.
