د پاکستان د خېبرپښتونخوا ایالت اړوند د ډېرهاسماعیل خان په چهکان سیمه کې د دغه هېواد د پوځ د موټرو پر کاروان د چاودنې له کبله ۲۳ سرتیري ټپیان شوي دي.
پاکستاني رسنیو نن شنبه د مې ۲۷مه سیمه کې د پولیسو له قوله راپور ورکړی چې چاودنه «نن شنبه» د پوځ د موټرو کاروان سره نږدې شوې او ښايي ځانمرګی برید وي.
د سلاموطندار پښتو فېسبوکپاڼه وڅارئ
پولیسو تراوسه په کره توګه د ځانمرګي برید خبر نه دی تایید کړی، خو زیاته کړه یې ده چې دغه برید د یوه موټرسایکل سپاره کس له لوري شوی دی.
تراوسه د یاد برید مسوولیت کوم چا یا ډلې پر غاړه نه دی اخیستی، خو د پاکستاني رسنیو د راپورونو له مخې، په یاده سیمه کې له دې مخکې د شویو یوشمېر بریدونو مسوولیت «ټيټيپي» پر غاړه اخیستی دی.
په ورته مهال سیمه کې پولیسو رسنیو ته ویلي، چاودنه هغه مهال رامنځته شوه چې د پوځ د موټرو کاروان له سوېلي وزیرستان څخه د ډېرهاسماعیل خان پر لورې روان و.
دغه چاودنه کې ۲۳ سرتیري ټپیان شوي چې د ځینو ټپیانو روغتیايي وضعیت د اندېښنې وړ ښودل شوی دی. له چاودنې وروسته سیمې ته ګڼشمېر امنیتي ځواکونه رسېدلي او د پلټنې عملیات یې پیل کړي دي.
دغه برید داسې مهال کېږي چې په دې وروستیو کې د پاکستان په یوشمېر سیمو کې د دغه هېواد د پوځ او امنیتي منسوبینو پر وړاندې وسلهوالو بریدونو زوراخیستی چې د یاد هېواد د حکومت سربېره یې خلک هم اندېښمن کړي دي.
