د عامې روغتیا وزارت مسوولانو نن پنجشنبه سلواغې ۱۹مه کابل کې د ماشومانو د ګوزڼ یا پولیو ویروس د تشخیص مرکز پرانیست.
د چارواکو په وینا، دغه مرکز افغانستان دننه کې د پولیو ویروس د تشخیص په موخه جوړ شوی. د عامې روغتیا وزارت سرپرست قلندر عباد وویل، هڅه کوي چې روان میلادي کال افغانستان کې د پولیو ناروغۍ له منځه یوسي.
د لوګر د پوهنې ریاست چارواکي وایي چې د مرکز پلعلم ښار په ګډون د شپږو لسوالیو د سواد زدهکړې له ۷۰ کورسونو څخه ۱۰۲۴ زدهکوونکو د فراغت سندونه ترلاسه کړل.
د یاد ولایت د پوهنې ریاست ویاند شاهپور عرب سلام وطندار ته وویل، یاد کورسونه د (یونېسکو) په مالي ملاتړ په مرکز پلعلم او ټولو ولسوالیو کې د ۹ میاشتو لپاره جوړ شوي وو.
د پکتيا امنیتي مسوولان وايي چې د دغه ولایت احمدخېلو ولسوالي کې يې ۳۹۶۵ ټابلېټکا کشف او نیولي دي.
د پکتيا امنيه قومنداني له لوري په خپره شوې خبرپاڼه کې ویل شوي چې دغه ګولۍ یې تېره ورځ ناوخته د احمدخېلو په سټوبازار کې چې یوه موټر کې ځای پر ځای شوې، ترلاسه کړې دي.
روزګان کې روان کال د ۳۳ کورنیو او بهرنیو موسسو له لوري په بېلابېلو برخو کې څه باندې ۳۵میلیونه ډالرو لګول شوې دي.
د یادو پيسو ډېره برخه ښوونې، روغتیا، پراختیا او نورو برخو باندې لګول شوې دي.
روزګان کې یوشمېر سوداګر وايي چې دغه ولایت کې د برښنا نشتون له امله پانګهوال، پانګونې ته زړه نه ښه کوي.
د دوی په وینا، که دغه ولایت کې د برښنا ستونزه حل شي، پانګونه به زیاته او خلکو ته به کاري فرصتونه رامنځته شي. د روزګان یوه سوداګر محمدالله سلاموطندار ته وویل چې دې ولایت کې د برښنا نشتون اړ کړی، څو په لویه کچه پانګونه ونهشي کړای.
د پاکستان د پارلماني ټاکنو له پیل سره، د دغه هېواد په ځینو ایالتونو کې امنیتي پېښو او وسلهوالو بریدونو زور اخیستی دی چې تراوسه پهکې لسګونه کسان وژل شوي او ټپیان شوې دي. په راپور کې ویل شوي چې دواړه چاودنې د بلوچستان په «کلاسیفالله او پښین» کې د ټاکنیزو دفترونو مخې ته رامنځته شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
