ننګرهار کې راستانه شویو کډوالو ته د کورونو جوړېدو چارې پیل شوې
په ننګرهار د چارواکو لهخوا له پاکستان څخه په زور راستانه کړل شویو افغان کډوالو ته د کورونو د جوړېدو چارې پیل شوې.
په ننګرهار د چارواکو لهخوا له پاکستان څخه په زور راستانه کړل شویو افغان کډوالو ته د کورونو د جوړېدو چارې پیل شوې.
له پاکستان څخه په زور یوشمېر راستانه کړل شوي افغان کډوال سلاموطندار ته وايي، کلونه وروسته هېواد ته راګرځېدلي، خو د دایمي هستوګنې لپاره سرپناه نهلري.
دوی راروان ژمی ته د اندېښنې په څرګندولو سره له سرپرست حکومت غواړي چې ژر تر ژره ورته دایمي سرپنا برابره کړي.
د لغمان د کرنې، اوبولګولو او مالدارۍ وزارت په مالي لګښت د دې ولایت په درېوو ولسوالیو کې د سړوخونو د بیارغونې چارې پیل شوې. د دې ولایت والي زینالعابدین عابد وایي، دغه سړېخونې پخوا جوړې شوې وې او بیا ځلې رغول کېږي چې په وینا یې، بیارغېدنه به یې شاوخوا ۳۶ میلیونه افغانۍ لګښت ولري.
بلخ کې د کار او ټولنیزو چارو ریاست مسوولان وايي چې د ترکیې «ټېکا» یا پراختیايي خدمتونو ادارې له لوري دغه ولایت کې ۲۰ ښځو ته د خیاطۍ زدهکړې زمینه برابرې کړې ده.
د اوبو او انرژي وزارت چارواکي وایي چې د لوګر په مرکز پلعلم، برهکي برک او خوښۍ ولسوالیو کې د ۱۶میلیونه افغانیو په مالي لګښت د پنځه چکډمونو د جوړېدو چارې پيل شوې. د اوبو او انرژې وزارت وزیر عبدالطیف منصور پلعلم کې جوړې شوې یوې غونډې ته وویل، د لوګر مرکز پلعلم او شپږو ولسوالیو کې سږ کال د ۱۴۷میلیونه افغانیو په ارزښت د اوبو د مدیریت پروژې منظورې شوې دي.
د هند په کوربهتوب د یو ورځنیو سیالیو نړیوال جام کې د سریلانکا کرېکټ ملي لوبډله نن د بنګلدېش کرېکټ ملي لوبډلې سره لوبه کوي.
ټاکل شوې چې دغه لوبه نن له غرمې وروسته ۱:۰۰ بجه د هند د ډیلي «اروون جاېټلې کرېکټ» لوبغالي کې ترسره شي.
اوزبکستان ته د ا.ا د پلاوي سفر سره هممهاله، د سرپرست حکومت مسوولان وايي، دغه پلاوی به اوزبکستاني چارواکو سره پر بېلابېلو برخو خبرې او هوکړې وکړي.
د مسوولانو په وینا، دغه سفر به د پانګونو جذب، د سوداګرۍ برخه کې د اسانتیاوو رامنځته کولو، د ټرانزیت په برخه کې د ستونزو د حل او د افغان ـ ترانس د اوسپنې پټلۍ د چارو پیلولو لپاره د بهرنۍ پانګونې پر جلبولو ورټول وي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون