هېواد کې د ملکیانو په ځانګړې توګه د لمونځکوونکو پر وړاندې د ناامنیود، بریدونو او چاودنو په دوام پرون کابل یوځل بیا د چاودنې شاهد وو. دا چاودنه داسې مهال وشوه چې خلک د کابل ښار څلورمې امنیتي حوزې د ټرافیک څلورلاري ته نږدې د «حضرت زکریا» په جامع جومات کې د ماښام لمونځ پر ادا کولو بوخت وو.
د غزني د صنايعو او کانونو خونې نن د دغه ولايت د محلي مسوولانو او د صنايعو او سوداګرۍ وزارت د چارواکو په حضور کې په رسمي توګه خپل فعاليت پيل وکړ.
نن په کابل کې د اسلامي امارت او چینا_ټاون شرکت د استازیو له لوري د افغانستان د صنعت او سوداګرۍ د ملاتړ په موخه د چین هېواد د محصولاتو او ټکنالوژۍ لومړنی نندارتون پرانیستل شو.
ټاکل شوې چې نن په تاجکستان کې د روسیې، هند او د منځنۍ اسیا د ځینو هېوادونو د ملي امنیت د سلاکارانو په ګډون یوه دوه ورځنۍ ناسته جوړه شي. ویل کېږي چې په دغه ناسته کې به د افغانستان د سیاسي، بشري او امنیتي وضعیت په تړاو خبرې وشي.
د افغانستان لپاره د ملګرو ملتونو ځانګړي رپورټر ریچارډ بنټ یوشمېر ولایتونو ته له سفر وروسته، نن په کابل کې د یوې خبري ناستې پرمهال په افغانستان کې د بشريحقونو وضعیت په اړه اندېښنه ښودلې او د اسلامي امارت سرپرست حکومت یې د بشريحقونو او امنیت په ټینګښت کې ناکام وباله.
په لوګر ولایت کې د پلعلم ټرافي په نوم د کرېکټ لوبې د پیل شویو سیالیو اتلولي د پکتیا لوبډلې په بریا سره پای ته ورسېدې.
د افغان ښځو او بشري حقونو لپاره د امریکا ځانګړې استازې رینا امیري په کابل او بلخ کې پرونیو چاودنو ته په غبرګون کې ویلي چې اسلامي امارت باید د خلکو امنیت ټينګ کړي.
نوموړې پر خپله ټویټرپاڼه لیکلي: «دغه بریدونه یوازې بېګناه افغانانو ته چې په کافي اندازه یې درد او غم لیدلي، له ویجاړۍ پرته نور څه نه لري.»
هرات کې د یوشمېر چاپخونو خاوندان وايي، نږدې یوه اوونۍ وړاندې د دغه ولایت ښاروالي ټولو چاپخونو او تبلیغاتي شرکتونو ته یو مکتوب لېږلی او ترې غوښتنه یې کړې چې د ژوندیو موجوداتو د تصویرونو له چاپ څخه ډډه وکړي.
کابل کې د انتاني روغتون مسوولان وايي چې په تېره یوه میاشت کې د کولرا ناروغۍ شکمنې پېښې دوه برابره شوې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
