د غویي ۲۸ مه د موزیم نړیواله ورځ ده. په دغه ورځ کابل کې د افغانستان ملي موزیم ته د ګوتو په شمېر لېدوونکي راغلي او د اسلامي امارت له لوري د موزیم نړیوالې ورځې د نمانخنې په موخه هم کوم پروګرام نه دی جوړ شوی.
د کابل ښاروالي مسوولانو نن د یوې خبري ناستې پرمهال په روان ۱۴۰۱ کال کې د ۱۸۱ ودانیزو پروژو د پلي کېدو خبر ورکړ.
د امریکا د دفاع وزارت د دغه هېواد کانګرېس ته په یوه تازه راپور کې ویلي، القاعدې شبکې د اسلامي امارت په لارښوونه افغانستان کې خپل حضور او فعالیتونه محدود ساتلي، ځکه چې اسلامي امارت د نړیوال مشروعیت ترلاسه کولو په لټه کې دی.
وروسته له هغې چې د اسلامي امارت له لوري په یوه مکتوب کې شپږو دولتي ادارې منحل اعلان شوې، د افغانستان لپاره د اروپايي ټولنې ځانګړي استازي او د یوشمېر هېوادونو سفیرانو او ځانګړیو استازیو د دغې پرېکړې پر وړاندې تند غبرګون ښودلی دی. توماس نیکلسون پر خپله ټویټرپاڼه لیکلي، د نورو ادارو په پرتله دغو دولتي بنسټونو ته اړتیا ډېره لیدل کېږي.
د زابل روغتیایي مسوولان وایي چې د دغه ولایت د شاهجوۍ ولسوالي په «شیخال» کلي کې یوه نوې ناپېژنده ناروغي خپره شوې چې د ماشومانو په ګډون، یوشمېر کسان پرې اخته شوي دي.
د روزګان ولایت په دهراوود ولسوالي کې یوه سرچینه سلاموطندار ته وايي چې د دغه ولسوالي په «کمکوچ» سیمه کې د خپلمنځي شخړې له امله یو کس وژل شوی او درې نور ټپیان دي.
د جوزجان محلي مسوولان وايي چې په دغه ولایت کې د یوه «کوماز» موټر د چپه کېدو له امله پنځه کسان مړه شوي او ۲۸ نور ټپیان دي.
دغه پېښه پرون بېګاه شاوخوا ۱۱ بجې د دغه ولایت د قوشتپې ولسوالي په «ترکمنقدوق» سیمه کې رامنځته شوې ده.
د ننګرهار ولایت د کرنې او مالدارۍ ریاست مسوولان وايي چې سږکال په دغه ولایت کې د شفتالانو حاصلات ډېر شوي دي. د مسوولانو په وینا، سږکال د ننګرهار په ۱۳ ولسوالیو کې پر ۳۰۰۰ جریبه ځمکه د شفتالانو له ابادو باغونو ۱۰۰۰۰ ټنه حاصل ترلاسه کېږي چې د تېرو کلونو په پرتله ۳۵۰۰ ټنه زیاتوالی ښيي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
