د خصوصي سکتور ۲۵سلنه شرکتونه د دیوالي‌کېدو له ګواښ سره مخ دي

 په افغانستان کې د خصوصي سکتور ټولنې مشر محمد ناصر محتسب‌زاده وايي، شاوخوا ۲۰۰۰ شرکتونه د دې ټولنې سره ثبت دي او حکومت له ۵۵ څخه تر ۶۰ ملیارده افغانۍ د یادو شرکتونو څخه پوروړی دی او که چېرته دغه پیسې ورنه‌ کړل شي، یاد شرکتونه به له ماتې سره مخ شي.

کابل ښاریان له بانکونو د پیسو د رایستلو له بهیر څخه شکایت کوي

د کابل ښار یوشمېر اوسېدونکي چې په عزیزي او نورو خصوصي بانکونو کې حسابونه لري، وايي چې د خپلو پيسو په اخیستو کې له ګڼو ستونزو سره مخ دي. دوی زیاتوي چې له خپلو حسابونو په اوونۍ کې یوازې ۲۰۰۰۰ افغانۍ یا هم ۲۰۰ ډالر ترلاسه کولای شي.

بې‌پولې خبریالان: د اسلامي امارت د راتلو راهیسې ۸۴سلنه ښځينه خبریالانې وزګاره شوي

د بې‌پولې خبریالانو ټولنې د افغانستان د رسنیو په اړه په یوې سروې کې ویلي، له هغه راهیسې چې اسلامي امارت پر دغه هېواد واکمن شوی نږدې ۲۳۱ رسنۍ تړل شوي او شاوخوا ۶۴۰۰ خبریالانو او د رسنیو کارکوونکو خپلې دندې له لاسه ورکړي دي. په سروې کې همداراز راغلي چې په دغه موده کې د نارینه‌ خبریالانو په پرتله ښځې تر ډېره اغېزمنې شوې دي.

نډ پرایس: امریکا افغانستان ته د مرستو د لېږد لارې چارې لټوي

د امریکا د بهرنیو چارو وزارت ویاند نډ پرایس وايي چې د ژمي په رارسېدو سره په افغانستان کې بشري وضعیت خورا خراب شوی او امریکا افغانانو ته د مرستو د لېږد پر لارو چارو بوخته ده چې څه ډول دغه هېواد ته بشري مرستې ورسوي. نډ پرایس ویلي چې امریکا له ملګرو ملتونو او نورو هېوادونو سره افغانستان ته د بشري مرستو پر لېږد ګډ کار کوي.