د غزني د عامې روغتیا ریاست مسوولان وايي چې نږدې راتلونکو ورځو کې به دغه ولایت کې د ۱۵ روغتیايي کلینیکونو د رغېدو چارې پیل شي.
د غزني د عامې روغتیا رییس رسولخان نظري سلاموطندار ته وايي چې دغه کلینیکونه د «UNSPA» موسسې په مالي لګښت او «ادا» موسسې له لوري د یاد ولایت لرو پرتو سیمو کې جوړېږي.
د سلاموطندار پښتو فېسبوکپاڼه وڅارئ
د نوموړي په وینا، د اداري تشکیل ترڅنګ به هر کلینیک اته اطاقه، یوه قابله، ساتونکی او خدمه ولري.
هغه وویل: «غزني کې د افاېچاېچ» پروژې تر نوم لاندې ۱۵ کلینیکونه جوړېږي چې د ادا موسسې لهخوا رغول کېږي او مالي لګښت UNSPA موسسه ورکوي چې بېلابېلو ولسوالیو کې منظور شوي. یوه قابله، یو صفاکار، یوه ساتونکي ترڅنګ به هر کلینیک اته اطاقه ولري.»
د غزني د عامې روغتیا رییس همداراز زیاته کړه چې د یادو کلینیکونو په جوړېدو سره به د یاد ولایت لرو پرتو سیمو شاوخوا ۳۰زره اوسېدونکو ته د روغتیايي خدمتونو زمینه برابره شي.
هغه زیاته کړه: «نو دا کلینیکونه معمولا هغو ساحو ته چې هلته صحي خدمات ډېر نږدې نهوي او لاسرسی ورته نه کېږي، معمولا داسې ساحې چې نفوس یی له ۱۰۰۰ څخه پورته ۱۰۰۰ ، ۲۰۰۰ یا زیات نفوس لري، هغوی لپاره، افاچاچ جوړېږي چی په مجموع کې تقریبا د ۱۵ افاچاچ کلینیکونو کې شاوخوا ۳۰زره او ۳۵زره نفوس ته به صحی خدمات برابر شي.»
په ورته مهال د غزني اوسېدونکي هم دغه ولایت کې د روغتیايي کلینیکونو له جوړېدو د هرکلي ترڅنګ وايي، لرو پرتو سیمو کې د روغتیايي مرکزونو نشتون له امله د مېندو او ماشومانو د مړینې کچې لوړېدو لامل شوی دی.
د غزني یوه اوسېدونکې جمیلې سلاموطندار ته وویل: «ډېری مېندې له دې امله چې روغتیايي مرکزون ترې لرې دي، کور کې زېږون کوي چې دا ډول زېږونونه د مور او ماشوم د مړینې کچه لوړه وي.
د غزني اوسېدونکي هیلهمندي ښيي چې دغه ژمنې دې ژر عملي شي او د یادو کلینیکونو د رغېدو چارې دې ژر پیل شي.
غزني کې مدني فعال شفېعالله قاريزاده وویل: «غزني هم په مرکز او ولسوالیو کې د کلینیکونو له کمښت سره مخ دی. موږ هیلهمند یو هغه ژمنې چې د عامې روغتیا ریاست او وزارت کړی، دا ژر تر ژره عملي شي.»
د یادونې وړ ده چې دا مهال د غزني په مرکز او ولسوالیو کې ۱۹۶ روغتیايي مرکزونه خلکو ته روغتیايي خدمتونه وړاندې کوي.
له دې سربېره د غزني د لرو پرتو ولسوالیو اوسېدونکي شکایت کوي چې یادو کلینیکونو کې شته خدمتونه ورته بسنه نه کوي او په وینا یې، د مسلکي ډاکټرانو نشتون له امله هم له ګڼو ستونزو سره مخ دي.
