په غور کې محلي مسوولان مني چې د دغه ولایت د ولایتي شورا پر مرستیال عبدالرحمان عطشان چسپکي ماین چاودلی دی.
په دې چاودنه کې چې نن شاخوا یوولس بجې شوې، ښاغلی عطشان وژل شوی او د ولایتي شورا یو بل غړی او د عطشان ساتونکی ټپیان دي.
د غور د عامې روغتیا سرپرست عبداللطیف رحیمي سلاموطندار ته ویلي چې په یاده چاودنه کې د ولایتي شورا مرستیال وژل شوی او د هغه یو ساتونکی او د ولایتي شورا یو بل غړی ټپیان شوي دي.
تر اوسه کوم چا یا ډلې د دې چاودنې مسوولیت نه دی منلی.
دا په داسې حال کې ده چې نن سهار د کابل د والي مرستیال محبوبالله محبي هم د چسپکي ماین په چاودنه کې ووژل شو.
