افغانستان سابق جمهور باشلیغی نینگ اورین باسری امرالله صالح گه کوره، اسلامی امارت رفراندوم اوتکزیلیشینی قبول قیلسه اولرنی قانونی‌لیگینی تن آله‌دی و قوراللی قرشیلیکنی توخته‌تیشگه تیار دیر.
جناب صالح نینگ ایتیشیچه، غرب مملکت‌لری افغانستان ده قانونی حکومت شکللنیشی خصوصیده یاردم بیریشی کیره‌ک.
بیزلرنینگ فیسبوک صحیفه‌میزگه باش اورینگ!
بی‌بی‌سی نینگ «هاردتاک» بولیمی بیلن صحبت اوتکزگن امرالله صالح نینگ ایتیشیچه، رفراندوم اوتکزیش میکانیزمی ایجاد ایتیلگن تقدیرده اولر اسلامی امارت گه قرشی قوراللی قرشیلیکنی توخته‌تیش گه تیار دیر. اونینگ کوپه‌یتیریشیچه، اسلامی امارت غالب بولگن صورتده، اولر نینگ مشروعیتینی قبول قیله‌دی.
اسلامی امارت رسمی‌لری حاضرگه قدر امرالله صالح نینگ اوشبو بیاناتی خصوصیده عکس‌العمل کورستیشمه‌گن.
بیزلرنینگ توییترده هم تعقیب قیلینگ!
اسلامی امارت قدرت نی قولگه آلیشی بیلن جناب صالح پنجشیر گه باریب و احمد مسعود بیلن بیرگه، اسلامی امارت گه قرشی مقاومت «جبهه»سینی شکللنتیردی. بیر آیی دن کیین پنجشیر اسلامی امارت نظارتی گه اوتگچ اونینگ تاجیکستان گه کیتگن‌لیگی معلوم قیلیندی.
