اوتگن کیچه نیویورک تایمیز (دوشنبه ۲۲ – قوس) ده، امریکا/پنتاگون دن نقل قیلیب ترقه‌تگن گزارشی‌گه کوره، امریکا نینگ هیچ بیر حربی سی، کابل ده بیر عادی اهالی اویی‌گه اویوشتیریلگن هوایی هجوم اوچون جزالنتیریلمه‌یدی. امریکا نینگ بو رسمی سی گه کوره، بو ممکلت مدافعه وزیری لوید آستین، امریکا نینگ ایکی حربی قوماندانی مصلحتی‌گه بنا بو قرار نی آلگن.
بو عین حالده که، امریکا حربی‌لری سنبله تورتینچی کونی، کابل شهری نینگ قونلغه سی یقینیده بیر عادی اهالی اویی گه قرشی هوایی هجوم اویوشتیردی،که بو حادثه ده ۷ باله شامل ۱۰ ته عادی اهالی اولدیریلدی. ایتیلیشیچه، بوعایله نینگ باشقروچیسی اوتمیش ده امریکالیک نهادلر بیلن ایشله‌گن ایکن.
بیزلرنینگ فیسبوک صحیفه‌میزگه باش اورینگ!
امریکا او زمان ایتگن ایدی که، بو هجوم داعش گروهی توره‌دیگن بیرییرده اویوشتیریلگن؛ اما کیین راق بیللی بولدی که بوهجوم عادی اهالی توره‌دیگن بیر اوی گه قرشی اویوشتیریلگن. امریکا عسکرلری بو هجوم نی شوندی بیر حالده اویوشتیردی‌لر که بو اوی اعضاسی سوو بشکه‌لری نی اوی‌لری تامان انتقال بیرر ایدی.
امریکا عسکرلری او زمان ده موندی اویله‌گن ایدی که بولر پارتلاوچی ماده‌لر نی آلیب ییرلشتیرماقچی، اما امریکا مدافعه وزیرلیگی تیکشیروولری دن سونگ اعتراف قیلدی که بولر عادی اهالی ایکن و بو حادثه نی «قیغولی حادثه» دیب اته دیلر.
