آمریکا مدافعه وزیرلیگی نینگ آگاهلنتیریشیچه، افغانستان هوایی حربیلری نینگ مصلحتچیلری بو مملکت نی ترک قیلگن صورتده، بو حربیلر یخشی اوروشه آلمهیشی ممکن.
افغانستان ده آمریکا حربیلری نینگ عملیاتی نی تیکشیرووچیسی، مذکور مملکت کانگرسی ده ینگی بیر گزارش ارایه قیلگن. بو گزارش نینگ کورستیشیچه، دوحه کیلیشوونامهسی اساسیده، باشقه اوچ آی گچه افغانستان حربیلری نینگ چیتایللیک مصلحتچیلری بو مملکت نی ترک قیلگن صورتده، مملکت هوایی حربیلری ییردن اوروشهدیگن حربیلرنینگ ییترلیچه حمایت قیله آلمهیدی.
مذکور گزارش اساسیده، چیتایللیک حربی مصلحتچیلر اینیقسه آمریکالیکلرنینگ سانی کمهیشی بیلن افغانستان دن حربیلریگه تعلیمات بیریش و مصلحت بیریش بوتونلی کوچسیز بولگن. بو گزارش گه کیلیشیچه، حاضر اوچاقلرنی سقلهش مسئولیتی آمریکالیکلرنینگ بوینیگه دیر.
شونینگدیک اوشبو گزارش ده آگاهلنتیریلیشیچه، بو مسئولیت افغانلرگه بیریلگن صورتده، اولر آیلرچه اوچاقلرنی سقلش ظرفیتی گه ایگه ایمس دیر. مذکور گزارش اساسیده، حاضر افغانستان هوایی کوچلری نینگ چیتایللیک حربی مصلحتچیلریدن ۹۴ فایزی افغانستان نی ترک قیلگن.
معلوماتلر اساسیده، اوتگن بیر ییل ده مملکت هوایی حربیلری نینگ ۵ اوچاغی نابود، بیر اوچاغی تخریب و شونینگدیک مذکور حربیلرنینگ باشقه بیر قطار اوچاغی قیته قوریلیش آستیده دیر.