آمریکا میدیالری نینگ گزارشی اساسیده، کابل قونالغه سیده اویوشتیریلگن خودکش هجوم باعث هلاک بولگن ۱۳آمریکالیک حربیلر نینگ عایلهلری، اوشبو مملکت مدافعه وزیرلیگی/پنتاگون نینگ تدقیقاتی معلوماتلرینی شبههلی دیگنلر.
پنتاگون میلادی جاری ییل اوللریده، آمریکا حربی عسکرلری افغانستان فقرالرینی چیقریش چاغیده کابل قونالغهسی ایشیگی یقینیده اویوشتیریلگن پارتلش هجوم نینگ آلدینی آلیش، ناممکن دیب اعلان قیلگن ایدی.
لیکن اوشبو واقعه قربانیلری نینگ عایلهلری، بو توغریدهگی معلوماتنی شبههلی دیگنلر. اوشبو پارتلش ده هلاک بولگن ۲۰ یاشر آمریکالیک عسکر کریم نکویی نینگ آنهسی شانا چاپل، واشنگتن پُست گه ایتیشیچه: «اوییردهگی برچه دریا قوریقچیلری، سیزلر گه قورققن لیکلرینی ایتهدی.»
بیزلرنینگ فیسبوک صحیفهمیزگه باش اورینگ!
شانا چاپل نینگ کوپیتیریشیچه، مذکور عسکرلر غیر دفاعی وضعیت ده قرار تاپگن ایدیلر. او شونینگدیک پنتاگون نینگ بمب پارتلشی باعث جانی تلفات بولگن ادعالری گه قرشیلیک قیلگن. او نینگ ایشانچی گه کوره، آمریکا عسکرلری پارتلشدن کیین یینگیل قورال اوقلری بیلن نشانگه آلینگنلر.
غرب لیک قطار ییتکیرمهلر آمریکالیک دریا قوریقچیلریدن نقل قیلیب ایتیشیچه، پارتلشدن کیین اولر نشانگه آلینگنلر. شونینگدیک قربان بولگن مذکور عسکر عایلهسی گه کوره، افغانلرنی چیقریش جریانیده نشانگه آلینگن عسکر بیلن صحبت قیلگن.
شانا چاپل نینگ ایتیشیچه: «مین اوزیم بیر ییگت بیلن اوغلیم نینگ توپراققه تاپشیریش مراسیمیده صحبت قیلدیم،. او نشانگه آلینگنینی ایتدی. او یرهسینی مینگه کورسهتیب نشانگه آلینگنینی بیلدیردی.»
عینحالده، کابل قونالغهسی قربانیلری نینگ عایله لریدن بیری مارک اشمیتز گه کوره، پنتاگون گزارشیده بعضی خطالیکلر گه متوجه بولگن. او آمریکا مدافعه وزیرلیگیدن، فرزندی نینگ بدنی ده پیدا بولگن فلزی بیرقطار قطعهلرنی خصوصی روشده تجزیه و تحلیل قیلیشنی طلب قیلگن. اونگه کوره، اوشبو قطعهلر اوزاق آلیب تشلنگن.
بیزلرنینگ توییترده هم تعقیب قیلینگ!
آمریکا قوشمه ایالتلر مرکزی قوماندانلیگی نینگ ستادی یا سنتکام، بوندن آلدینگی بیانیه سیده، آمریکالیک یا افغانستانلیک لردن هیچ بیری اوق آتیلیشی نتیجه سیده اولگن یا یرهلنگن لیگی گه دایر هیچ بیر مدرک تاپیلمه گنینی ایتگن ایدی.
او زمانده سنتکام قوماندانی کنت فرانک مککنزی، ۱۰۰دن آرتیق کیشی هلاک بولگنلیگی حقیده ییغیلگن حجتلر، ایش بیلرمان لر نینگ تجزیه و تحلیلی، اوشبو حجتلر اساسیده قولگه کیریتیلگن واقعیتلرنی، قانیقتیرووچی و حقیقی بیر تیکشیریش دیگن ایدی. او هجوم کونیده میدیالر بیلن پایلشگن اطلاعاتی تدقیقاتی نی رد قیلیب، بو مَرکب بیر عملیات ایکنلیگینی تصدیقلهگن.
شونینگدیک مککنزی نینگ ایتیشیچه، اوشبو تدقیقاتلر اساسیده پارتلش اوسکونهسیده ییرلشتیریلگن ساچمهلر، اوق آتیلیشی کبی یرهلنیش لرگه سبب بولگن.
کابل قونالغهسیدهگی هجوم، ۴ سنبله میلادی ۲۰۲۱-ییل ۲۶ آگست ده اوشبو قونالغهدن آمریکالیکلرنی چیقریش عملیاتی دوام ایتر ایکن اویوشتیریلگندی. بو هجوم اسلامی امارت افغانستان نی نظارت ایتگچ بیرینچی هجوم ایدی.
هجوم مسئولیتینی اسلامی دولت یا داعش گروهی بوینیگه آلگن. اوشبو هجومده قریب ۲۰۰ کیشی جملهدن ۱۳آمریکالیک عسکر هلاک بولدیلر. بو هجوم سونگی سیاسی اوزگریش لردن کیین، داعش گروهی نینگ افغانستانده اینگ قانلی هجوم لریدن دییلگن.