بوگون (۱۵-می) خلقارا عایلهلر کونی گه ماس دیر، لیکن افغانستان ده عایلهلر وضعیتی کون اوتیشی بیلن یامانلشماقده.
روانشناسلردن قطاری مملکتده عایلهلر وضعیتی نی خواطرلنتیرووچی دیب و ایتیشلریچه، اقتصاد، خوفسیزلیک و ایش سبب، اهالی نینگ فکری عایلهوی رابطهلردن اوزاقلشگن.
روانشناسلردن بیری سید عبدالله حسینی نینگ ایتیشیچه: «بیزلر حاضر ایسه عایلهوی ترتیب و سیستم نی قولدن بیرگنمیز یعنی بیزلر خاتین نینگ کیملیگی و تورموش اوتاغ (ایر) نینگ کیملیگی نی بیلمهدیک. اوزاق منطقهلر و قیشلاغلرده، بیر عایله نینگ قراری نی یالغیز آته آلهدی.»
بیزلرنینگ توییترده هم تعقیب قیلینگ!
مملکت روانشناسلریدن باشقه بیری سید روحالله رضوانی نینگ سلاموطندار گه ایتیشیچه، عایله نظامی اوتمیش گه قرهگنده یامان شرایط نی تجربه قیلماقده.
او مذکور شرایط خصوصیده ایتیشیچه، افغانستان ده عایلهلر عاطفی، ارتباطی نیازلر و عایله ایچیدهگی مسئلهلر گه توجه قیلیش اورنیده تشقی مسئلهلر گه ارتباطلی نرسهلر خصوصیده فکر قیلهدیلر.
جناب رضوانی نینگ ایشانچی گه کوره، افغانستان ده عایله اعضالری نینگ رابطهسی قرشیلیک و برابر حرمت اساسیده ایمس.
شوندهی بیرحالده، عایلهلردن قطاری نینگ سلاموطندار گه ایتیشلریچه، عایلهلرده عایلهوی زوروانلیکلر کوپهیب، آته-آنهلر تامانیدن باسیملر خلاص بولمهگن.
- فاریابلیک ساتیلگن قیز عایلهسی گه قیتهریلدی
- هلمند ده عایلهوی جنجللر سبب ۹ کیشی اولیب یرهلنگن
- بغلاندهگی عیاللر: زوروانلیک و کیچیک یاشر قیزلرنی ییرگه بیریش حاضرگچه قربانلیک آلهدی
عایلهوی زوروانلیکلر سبب قربان بولگنلردن بیری لیدا نینگ ایتیشیچه، آنهسی نیچه ییل آلدین اولگن و آتهسی ایسه معتاد دیر. او ایناغهسی نینگ زوروانلیکلریدن شکایت قیلهدی.
لیدا گه کوره، ایناغهسی ایشسیز دیر و اویده اون و برنج خلاص بولگن صورتده، او بیلن ایناغه و سینگیللری نی کلتکلهیدی.
اونینگ کوپهیتیریشیچه: «اون و باشقه نرسهلر خلاص بولگن صورتده، کوپ جدی بولیب سیزلر نی می باقهی یا اوز بالهلریم نی می دیهدی. خرهجتلرینگیز نی نیردن قیلهی دیب بعضا کیچیک ایناغهم بیلن سینگیلیم نی کلتکلهیدی.»
بیزلرنینگ فیسبوک صحیفهمیزگه باش اورینگ!
عایلهلردن قطاری نینگ ایتیشلریچه، اسلامی امارت نینگ قدرت گه ایریشگنی و سونگی اوزگریشلردن بویان، اولر نینگ عایلهوی قیینچیلیکلری کوپهیگن دیر.
عین حالده، سونگی اوزگریشلردن کیین، عاقله اسد نینگ عایله اعضاسیدن یریمی مهاجر بولگن. اونینگ ایتیشیچه، اونینگ آتهسی و عایله اعضاسیدن یریمی مملکتدن تشقی گه کیتگن و عاقله بیر قطار عایله اعضاسی بیلن افغانستانده مینگلرچه قیینچیلیک بیلن حیات کیچیرهدی.
ایتیلیشچه، ۱۹۹۴-ییلده بیرلشگن ملتلر تشکیلاتی تامانیدن ۱۵-می خلقارا عایله کونی اولهراق ناملنگن و عایله کونی نینگ نشانلنیشیدن مقصد، بوتون دنیادهگی انسانلر اوشبو کون نینگ اهمیتی و قدری نی بیلیشلری دیر.