جاپان افغانستان ده یوقمه کسللیکلر گه قرشی کوره‌ش اوچون قریب ۷ میلیون دالر یاردم بیرگن.
قریب ییتتی میلیون دالرلیک اوشبو یاردم بیتیمی بوگون (یکشنبه، ۲۶-قوس)، کابل ده جاپان ایلچیسی و خلق‌ارا ساغلیق‌نی سقلش تشکیلاتی نماینده‌سی تامانیدن امضالندی.
بیزلرنینگ فیسبوک صحیفه‌میزگه باش اورینگ!
کابل ده جاپان ایلچی‌خانه‌سی مسئوللری نینگ ایتیشلریچه، ساغلیق‌نی سقلش تشکیلاتی و شریک‌لری بو یاردم‌لردن قوللنیب، تشخیص و کلینیکی خذمت‌لرینی آشیریش‌لری ممکن.
اولر گه کوره، اوشبو یاردم‌دن مقصد افغانستان ده کوید ۱۹، قیزه‌میق، تنفسی کسل‌لیک، کانگو و باشقه کسللیکلر کبی یوقمه کسللیکلر طفیلی اولیم میزانینی کمه‌یتیریش دیر
کابل ده جاپان ایلچیسی تاکایوشی کرومیا نینگ ایتیشیچه: «جاپان اوشبو ۷ میلیون دالرلیک یاردمی بیلن انتانی و افغان جاپان ایکی دولتی کسل‌خانه‌سیدن بیر ییل‌گچه حمایت قیله آله‌دی و شونینگدیک مذکور یاردم‌دن مقصد، افغانسنان ده یوقمه کسللیکلر طفیلی اولیم میزانی نی کمه‌یتیریش دیر و بو یاردم‌لر نینگ دوام تاپیشی ممکن.»
شونده‌ی بیرحالده، افغانستان ده خلق‌ارا ساغلیق نی سقلش تشکیلاتی مسئوللری نینگ ایتیشلریچه، اولر مذکور یاردم‌لر بیلن، افغانستان ده ۷۶ مینگ کسل گه درمان زمینه‌سینی یره‌ته آله‌دیلر.
بیزلرنینگ «ایکس» ترماغی ده هم تعقیب قیلینگ!
افغانستان ده خلق‌ارا ساغلیق‌نی سقلش دفتری باشلیغی لو دوپینگ نینگ ایتیشیچه: «اوشبو یاردم نینگ خلق‌ارا ساغلیق نی سقلش تشکیلاتی گه صورت تاپگنی اوچون منت‌دارلیک قیله‌میز، بو یاردم‌لری دواملی دیر و بیزلر مذکور یاردم‌لر آرقه‌لی ۷۶ کیشی گه یوقمه کسللیکلر خصوصیده درمان بولیش زمینه‌سی نی یره‌تیشیمیز ممکن.»
ایتیش کیره‌ک که، جاپان ایلچی‌خانه‌سی ۲۰۲۱-ییل آگست آیی‌دن حاضرگچه ۴۴۷ میلیون دالر افغانستان گه یاردم بیرگن.
