افغانستان تینچلیک جریانی بوییچه آمریکا خاص نمایندهسی زلمی خلیلزاد نینگ توییتر صحیفهسیده یازیشیچه، آمریکا نینگ افغانستاندهگی اوروشی یکونلنگن و افغانستان یشاوچیلری حاضرده کیلهجکلری خصوصیده قرار قیلیش بیلن روپهره دیر.
بیزلرنینگ فیسبوک صحیفهمیزگه باش اورینگ!
اونینگ یازیشیچه، طالبان حاضرده بیر سیناو بیلن روپهره بولگن. اولر کیلهجکلرده مملکتلرینی مصون قیله آلهدیلر می؟ افغانستان چیرایلی فرهنگی، تاریخی و سنتلرنی دنیا گه ارایه قیله آلهدیلر می؟
خلیلزاد نینگ کوپهیتیریشیچه، افغانستان اهالیسی کامل استقلالیت بیلن یوللرینی تعیین قیلهدی و یرهتیلگن فرصت دن فایدهلنیب اوروشنی یکونلنتیره آلهدیلر.
افغانستان تینچلیک جریانی بوییچه آمریکا خاص نمایندهسی نینگ یازیشیچه: «اوشبو دواملی اوروش آمریکالیکلر و افغانستانلیکلرنی تورلی بولیملرده یخشی و یمان تانیتی. افغانستانلیکلر و آمریکالیکلر هر بیری اوز یوللریگه کیتهدی.»
شونینگدیک، آمریکا حربی مرکزی قومندانی جنرال کنت مکنزی نینگ اوشبو مملکت مدافعه وزیرلیگی ده خبر بیر ییغین اوتکزیب ایتیشیچه، آمریکا کامل صورتده افغانستاندن چیقگن و آمریکا نینگ سونگی اوچاغی دوشنبه کیچه کابل خلق ارا هوا قونالغهسینی ترک قیلگن.
جناب مکنزی نینگ ایتیشیچه، ۱۱ سپتامبر هجومیدن سونگ، آمریکا نینگ ۲۰ ییللیک ماموریتی اوتگن کیچه یکونلنگن.
آمریکا مدافعه وزیرلیگی نینگ ایتیشیچه، ۱۵ آگست دن حاضرگچه ۱۲۳ مینگ تینچ اهالی افغانستاندن چیقاریلگن و اولردن ۶ مینگ تهسینی آمریکالیکلر تشکیل بیرهدی.
عینحالده، آمریکا جمهور رئیسی جو بایدن اوشبو مملکت تشقی ایشلر وزیریدن خلق ارا شریکلری هماهنگلیگی بیلن آمریکالیکلر و افغانستانلیک یاردمچیلرنینگ تینچ شکلده چیقاریلگنیدن ایشانچ قولگه کیلتیریشینی سورهگن.
بیزلرنینگ فیسبوک صحیفهمیزگه باش اورینگ!
جناب بایدن، آمریکا نینگ افغانستاندهگی حربی حضورینی تمدید قیلمهگنی خصوصیده بولگن دلیللرنی اهالی بیلن شریک قیلیشینی بیلدیرگن.
ایتیلیشیچه، اوتگن ایکی دهه ده حربی و تینچ اهالی شامل ۲۴۶۱ امریکالیک افغانستانده اهلاک ایتیلگن و باشقه ۲۰ مینگ کیشی یرهلنگن.