Asset 1SWN

سلام وطندار

آمریکا ایلچی‌لیگی، اروپا بیرلیگی و ناتو کابلده اویوشتیریلگن راکتی هجوم نی قاره‌لگن

85132937-373D-4790-97B3-6DFB87A4C154-oyqfewrpngwuy7y7augeh6bd8ys46y1k1ybpyrjb10

اروپا بیرلیگی و افغانستان بوییچه آمریکا ایلچی‌لیگی کابل شهریده اویوشتیریلگن راکتی هجوم نی قاره‌لگن.

کابل بوییچه آمریکا ایلچی‌لیگی سرپرستی راس ویلسن نینگ بیر توییت آرقه‌لی ایتیشیچه، افغانستان یشاوچی‌لرینی قورقینچ بیلن حیات کیچیرمه‌یش‌لری کیره‌ک. اونینگ تاکید قیلیشیچه، بونده‌ی هجوم‌لرگه توسیق بولیش اوچون افغانستان‌لیک یاردمچی‌لری بیلن سعی و حرکت قیله‌دیلر.

کابل بوییچه اروپا بیرلیگی نینگ نماینده‌لیگی هم کابل شهریده اویوشتیریلگن هجوم نی «وحشت‌لی» عنوان قیلیب و اوشبو هجوم ده تینچ اهالی هدف آستیگه قرار بیریلگن دیگن.

شونینگدیک، ناتو تشکیلاتی هم بیر توییت آرقه‌لی کابل شهریده اویوشتیریلگن راکتی هجوم نی قاره‌لب و اوشبو تشکیلات دهشت‌ تشلاوچی‌لرگه قرشی افغانستان اهالیسی یانیده قالیشی‌نی بیلدیرگن.

کابل شهریده اویوشتیریلگن راکتی هجوم دن سونگ، آمریکا ایلچی‌لیگی افغانستان وضعیتی‌نی «‌ثبات‌سیز» عنوان قیلگن.

آمریکا ایلچی‌لیگی اوشبو مملکت یشاوچی‌لریدن افغانستان‌گه سفر قیلمه‌یش‌لرینی سوره‌گن.

افغانستان ایچکی ایشلر وزیرلیگی نینگ اعلان قیلیشیچه، کابل شهریده ۱۴ راکت نینگ اصابت قیلگنی نتیجه‌سیده، ۸ کیشی هلاک و باشقه ۳۱ کیشی یره‌لنگن.

ایچکی ایش‌لر وزیرلیگی سوزلاوچیسی طارق آرین نینگ فیسبوک صحیفه‌سیده یازیشیچه، اوشبو راکت‌لردن بیرقطاری مسکونی اوی‌لرگه اصابت قیلگن.

حاضرگه‌قدر هیچ کیشی یا-ده گروه بو واقعه مسوولیتی‌نی بوینیگه آلمه‌گن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام