افغانستان تینچلیک جریانی بوییچه آمریکا خاص نماینده‌سی زلمی خلیلزاد، هییت کونلریده طالبان و افغانستان حکومتی تامانیدن آتیش‌کیسین اعلان ایتیلیشی‌نی خوش قرشی‌لگن. جناب خلیلزاد نینگ اوتگن کیچه توییتر صحیفه‌‎سیده یازیشیچه، زوروانلیکلر وحشت‌لی ایدی و افغانستان اهالی‌سی اونینگ هزینه‌سینی تشله‌گن.

اونینگ تاکید قیلیشیچه، افغانستان اهالی‌‎سینی سیاسی بیر کیلیشوو و دایمی آتیش‌کیسین‌گه نیازی بار.

جناب خلیلزاد نینگ کوپه‌یتیریشیچه: « بیز افغانستان‌لیکلر ارا سوزلشوولر سرعت‌‎لنتیریلیشی، سیاسی کیلیشوونامه و اوروش یکونله‌نیشی‌نی ایسته‌یمیز.» اونینگ ایتیشیچه، افغانستان اهالیسی اوروش یکونله‌نیشی‍‌نی ایسته‌یدی.

سلام‌وطندار اوزبیک بولیمی‌نی فیسبوک‌ده تعقیب قیلینگ!

ایکی کون آلدین طالبان گروهی، هییت کون‌لرینی آتیش‌کیسین اعلان قیلگن ایدیلر.

طالبان تامانیدن نشر ایتیلگن خبرنامه‌ده ایتیلیشیچه، اوشبو گروه رهبرلیگی هییت بیرینچی کونیدن باشلب ۳- کونی گه‌قدر هجوم‌لرینی توخته‌تیب قویه‌دیلر.



شونینگدیک، اوتگن کونی جمهورلیک ریاستی نینگ بیر خبرنامه آرقه‌لی اعلان قیلیشیچه، افغانستان دولتی طالبان نینگ ۳ کون‌لیک آتیش‌کیسین‌نی دن آگاه دیر، لیکن دولت و افغانستان یشاوچی‌لری واقعی و دایمی تینچلیک ایسته‌یدی.

جمهور رئیس‌ غنی، مملکت امنیتی و دفاعی کوچلریگه هییت کونلری حرمتی‌گه آتیش‌کیسین نی رعایت قیلیش‌لری اوچون بویروغ بیرگن.

عین‌حالده، ملی مصالحه کینگشی باشلیغی عبدالله عبدالله نینگ طالبان تامانیدن ۳ کون‌لیک آتیش‌کیسین اعلان ایتیلیشیچه گه قرشی ایتیشیچه، وقتنچه‌لیک آتیش‌کیسین اهالی گه وقتنچه‌لیک تینچلیک نی فراهم قیله‌دی، بیراق مملکت قیین‌‎چیلیکلرینی حل قیلیش اوچون اساسی و دایمی حل یول ایمس.

اونینگ ایتیشیچه، سوزلشوولر سرعت تاپیشی، دایمی آتیش‌کیسین و اوروش یکونلنتیریلیشی مملکتده دوامی بولگن قیین‌چیلیکلرنی حل قیلیش اوچون اساسی یول دیر.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام