افغانستان ملی خوفسیزلیک کینگش دفتری نینگ اعلام قیلیشیچه، خلق‌ارا حامد کرزی هوا قونالغه‌سی دنیا معیارلریگه ماس فعال قالیشی ممکن.
ملی خوفسیزلیک کینگش دفتری نینگ اعلامی اساسیده، اوتگن کون مذکور کینگش مصلحتچیسی حمدالله محب، کابل هوا قونالغه‌سی و مذکور میدان گه جایلشگن کیسکین حمایوی مأموریت قومندانلیگیدن کوریب چیققن.
ملی خوفسیزلیک کینگش دفتری نینگ ایتیشیچه، مذکور اوچره‌شوو حامد کرزی هوا قونالغه‌سی ملی هوایوللر خلق‌ارا تشکیلات (ICAO) معیارلریگه ماس فعال قالیشی اوچون صورت تاپگن.
مذکور اوچره‌شووده ناتو ملکی نماینده‌سی استیفانو پونتیکورو، افغانستان امنیتی نینگ قوشمه انتقال تاپیش قومندانلیک قومندانی و حامد کرزی خلق‌ارا هواقونالغه‌سیده جایلشگن ترکیه حربی‌لری نینگ قومندانی هم موجود ایکن.
چیت‌ایللیک کوچلر چیققنیدن کیین خلق‌ارا حامد کرزی هوا قونالغه‌سی نینگ خوفسیزلیگی تأمین‌لنیشی تشقی دیپلماتلر اوچون اونملی بیر موضوع حسابلنه‌دی. افغانستان دولتی نینگ ایشانچ بیریشیچه، مذکور هوا قونالغه خلق‌ارا معیارلرگه ماس فعال قاله‌دی. شونینگدیک آمریکا و باشقه مملکتلر افغانستان نی کابل هوا قونالغه‌سی نینگ خوفسیزلیگی نی تأمین‌لشگه همکارلیک قیلیش‌لری توغریسیده سوز بیرگن.
چیت‌ایللیک کوچلر چیققنیدن کیین کابل هوا قونالغه‌سی نینگ خوفسیزلیک مسئولیتی ترکیه گه تاپشیریلیشی توغریسیده گزارشلر ترقه‌تیلگن. بیراق طالبان نینگ اورغولشیچه، ترکیه حربی‌لری هم دوحه کیلیشوونامه‌سی اساسیده افغانستان نی ترک قیلیش‌لری کیره‌ک.
