ناحربی هوایوللر اداره‌سی باشلیغی محمد قاسم وفایی زاده کابل ده خبری بیر ییغین اوتکزیب ایتیشیچه، تیکشیروولر اساسیده قویاش ۱۳۹۹- ییل جریانیده مذکور اداره درآمدی ۹ فایز قویی کیلگن.
جناب وفایی زاده نینگ ایتیشیچه، ۱۳۹۹- ییل ده بو اداره اوچون ۵.۹ میلیارد افغانی درآمد توپله‌ش مالیه وزیرلیگی تامانیدن تعیین‌لنگن ایکن؛ بیراق ناحربی هوایوللر اداره یالغیز ۵ میلیارد و ۱۷۱ میلیون افغانی درآمد قولگه کیلتیرگن.
باشقه بیر تاماندن اوتگن کون اسلامی حزب رهبری گلبدین حکمتیار کابل هوا قونالغه‌سیده آتی و نشانی بیللی بولمه‌گن اوچاقلر قونیشی نی ادعا قیلدی.
حکمتیار گه کوره، مذکور اوچاقلر یوکلنگونگچه کابل هوا قونالغه‌سی نینگ امنیتی ایشلاوچی‌لریدن محل نی ترک قیلیش‌لری سوره‌لدی.
بیراق حامد کرزی هوا قونالغه‌سی باشلیغی سید عمر صبور، حکمتیار نینگ ادعاسینی اساس‌سیز دیب ایتیشیچه، امنیتی کوچلر هوایوللر ایشلری و هواقونالغه نینگ عملیاتی ایشلریگه دخالت قیلیش حقی یوق.
ناحربی هوا یوللر اداره‌سی نینگ تیکشیرووی اساسیده، بو ییل افغانستان هوا قونالغه‌لریدن ۵۳ مینگ ایچکی اوچیش و ۳۵ مینگ تشقی اوچیش صورت تاپگن.
