بیرلشگن ملت‌لر تشکیلاتی نینگ ترقیاتی دستوری مسئوللری، افغانستان ده قشاقلیک کوپه‌یشی خصوصیده خواطر بیلدیریب بیر بیانیه آرقه‌لی ایتیشلریچه، ترقیاتی دستوری حمایت قیلووچیلری نینگ یاردملری جدی شکلده کمه‌یب و افغانستان یشاوچیلریدن قریب ۸۵ فایزی نینگ درآمدی، بیرکونده بیر دالردن آزراق گه ییتیشگن.
بیانیه اساسیده، بیرلشگن ملت‌لر تشکیلاتی نینگ باش کاتبی اورین‌باسری و آسیا-اقیانوسیه‌ده بیرلشگن ملت‌لر تشکیلاتی ترقیاتی دستوری نینگ منطقه‌یی مدیری کانی ویگناراجا، قشاق‌لیک‌دن زیان کورگن عیاللر نینگ احواللری گه ایریشیش ایشلری بوییچه بیرلشگن ملت‌لر تشکیلاتی اوچون جرمنی اویوشمه‌سی بیلن صحبت قیلگن.
بیزلرنینگ «ایکس» ترماغی ده هم تعقیب قیلینگ!
ویگناراجادن نقل قیلینگن بیانیه‌ده کیلیشیچه: «عیاللر مالکیتی‌ده‌گی ایش، ایش زمینه‌سی یره‌تیلیشی، اساسی اجتماعی خذمت‌لر، قیته تیکلنه‌دیگن انرژی‌لر و بلالر نینگ مدیریت قیلیش آستیده‌گی ایش‌دن مستقیم شکلده حمایت گه تمرکز قیله‌میز.»
شونده‌ی بیرحالده، اقتصادی مسئله‌لر بیلرمان‌لریدن قطاری، اقتصادی مسئله‌لر، هوا اوزگریشلری، قوروق‌چیلیک و سوو تاشقین‌لر نینگ مملکتده قشاقلیک کوپه‌یشی گه سبب بولگن اصلی عامل‌لری بیله‌دیلر.
بو توغریده اقتصادی مسئله‌لر بیلرمان‌لریدن نصیراحمد رشتیا نینگ ایتیشیچه: «سرپرست حکومت و نادولتی نهاد‌لر آرقه‌لی اقتصادی آستقورمه‌لر یوقلیگی و آستقورمه خصوصیده سرمایه یاتقیزیلیشی کم‌لیگی، مملکتده قشاقلیک کوپه‌یشی گه سبب بولیب و شونینگدیک مملکتده ایش زمینه‌سی کم‌لیگی گه سبب بولگن.»
بیزلرنینگ فیسبوک صحیفه‌میزگه باش اورینگ!
شونینگدیک اقتصادی مسئله‌لر بیلرمان‌لریدن باشقه بیری رفیق صادقیار نینگ ایتیشیچه، بیرلشگن ملت‌لر تشکیلاتی مملکتده قشاقلیک کمه‌یشی اوچون رواجلنتیریش لایحه‌لری نینگ قیته باشله‌یشی کیره‌ک. «حکومت و خلق‌ارا نهاد‌لر مملکتده قشاقلیک کمه‌یشی اوچون ترقیاتی لایحه‌لر نی قولگه آلیب و شونینگدیک ایش زمینه‌سی یره‌تیلیشی اوچون ایش‌خانه‌لر ایجاد بولیشی خصوصیده سعی و حرکت بولیشی کیره‌ک.»
ایتیش کیره‌ک که، بوندن آلدین بیرلشگن ملت‌لر تشکیلای نینگ انسان‌پرورلیک یاردم‌لر نی هماهنگ قیلووچی دفتری یا-ده اوچا، مملکتده قشاقلیک کوپه‌یشی خصوصیده خواطر بیلدیریب، جاری میلادی ییل‌ده افغانستان ده قریب ۲۳ میلیون کیشی انسان‌پرورلیک یاردم‌لر گه نیازمند بولیشی نی اَیتگن ایدی. اوچا گه کوره، افغانستان جمعیتی‌دن یریمی، حاضر ایسه قشاقلیک بیلن روپه‌ره دیر که اولردن کوپینچه‌سی نینگ عیاللر تشکیل بیره‌دی.
