بیرلشگن ملت‌لر تشکیلاتی خوفسیزلیک کینگش اعضالری، ایکی کون آلدین کابل شهری ده تشقی ایشلر وزیرلیگی یقینیده اویوشتیریلگن خودکش هجوم گه قرشی قوشمه مناسبت‌لریده ایتیشلریچه، تروریزم افغانستان و جهان خوفسیزلیگی اوچون جدی تهدید دیر.
ایچکی ایشلر وزیرلیگی گه کوره، دوشنبه کونی، ۷ حمل، تشقی ایشلر وزیرلیگی یقینیده اویوشتیریلگن خودکش هجوم عاقبتیده آلتی تینچ اهالی هلاک بولیب و اسلام امیرلیگی اوچ عسکری شامل بیر قطار کیشی‌لر یره‌لنگن.
بیزلرنینگ فیسبوک صحیفه‌میزگه باش اورینگ!
مذکور هجوم مسئولیتینی داعش گروهی خراسان شاخه‌سی تن آلگن. بیرلشگن ملت‌لر تشکیلاتی خوفسیزلیک کینگش اعضالری اوشبو بیانیه ده، مذکور هجوم نی قاره‌له‌گنلر.
بیرلشگن ملت‌لر تشکیلاتی خوفسیزلیک کینگش اعضالری، واقعه عامل‌لری، ریجه‌لشتیرووچی تشکیلات‌لر، مالی یاردم بیرووچیلر و حامی‌لری جواب‌گرلیککه تارتیلیب و محکمه بولیش‌لری اوستیگه تأکید ایتیشگن.
بیزلرنینگ توییترده هم تعقیب قیلینگ!
اولر، برچه مملکت‌لردن خلق‌ارا قانون_قاعده‌لر اساسیده، بیر_بیراوی بیلن جدی همکار بولیش‌لرینی طلب قیلگنلر.
