طالبان هیأتی ایران و روسیه گه قیلگن سفرلری نینگ دوامیده، حاضر ترکمنستان کیتگن.

قطر ده طالبان سیاسی دفتری سوزلاوچیسی محمد نعیم، اوتگن کون بیر توییت آرقه‌لی ایتیشیچه، بو هیأت ترکمنستان نینگ رسمی چقیرووی اساسیده مذکور مملکت گه سفر قیلگن و بو سفر دن مقصد سوداگرلیک علاقه‌لر و سیاسی اوزگریشلر خصوصیده صحبت اوتکزیش دیر.

منطقوی سفرلر صورت تاپگن بیرحالده، مذکور گروه کمیده اوچ هفته‌دن بویان دوحه ده مذاکره میزی اوستیگه حاضر بولمه‌گن.

سیاسی ایش بیلرمانلرنینگ ایشانچ‌لریگه کوره، طالبان بو سفرلر بیلن منطقوی مشروعیت قولگه کیلتیریش نی ایسته‌یدی. اوشبو ایش بیلرمانلرگه کوره، طالبان نینگ منطقوی سفرلری تینچلیک پروسه‌سیگه یاردم بیرمه‌یش گه علاوه، بو پروسه نی قیین‌لشتیریشی ممکن.

بیراق بو سفرلر بیلن طالبان گروهی برابریده منطقه مملکت‌لری نینگ فکری اوزگریشی نی احتمالی بار.

سیاسی ایش بیلرمان‌لردن بیری عبدالستاد سعادت نینگ ایتیشیچه،‌ طالبان منطقوی مشروعیت قولگه کیلتیریش اوچون حرکت قیلماقده و بو گروه افغانستان حکومتی گه کوره یخشی‌راق نقش اوینماقده.

اونگه کوره، اوتمیش‌لرده مملکت‌لردن قطاری طالبان نینگ حضوریدن خواطرگه ایدی و بو گروه حاضر بو خواطرلرنی رفع قیلیش اوچون حرکت قیله‌دی.

سیاسی ایش بیلرمان‌لردن باشقه بیری یونس فکور نینگ ایتیشیچه، طالبان آمریکا ینگی حکومتی تینچلیک کیلیشوونامه‌سی نینگ تیکشیریش بیلن فکری اوزگریش خصوصیده خواطرگه دیر. شو یوزه‌دن منطقه مملکت‌لری نینگ توجه‌سینی جلب قیلیش اوچون حرکت قیلیشه‌دی.

شونده‌ی بیرحالده، اوتگن کون جمهوررئیس غنی آمریکا مدافعه وزیری لوید آستین بیلن اوتکزگن تلیفونی علاقه‌ده، ایکی مملکت علاقه‌لری و تینچلیک پروسه‌سی خصوصیده بحث قیلگن.

مرتبط با این خبر:

کلیدی کلمه‌لر: //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام