جمهوررئیس محمداشرف غنی و اونینگ همراه‌لیک قیله‌دیگن هیأت، اوتگن کون توشدن کیین دموکراتلرنینگ رهبری سناتور چارلز شومر و جمهوریت‌خواه اقلیت رهبری سناتو میچ مکانیل و شونینگدیک باشقه آمریکالیک سناتورلر بیلن واشنگتن ده اوچره‌شگن.
میچ مکانیل مذکور اوچره‌شوودن کیین بیر بیانیه ترقه‌تیب ایتیشیچه، بایدن نینگ دولتی افغانستان دن آمریکالیک کوچلرنینگ چیقیشی نی کیچیکتیریشی گه امیدوار دیر.
میچ مکانیل گه کوره، حربی کوچلرنینگ افغانستان دن چیقاریش توغریسیده بایدن نینگ آلگن قراری، آمریکا نینگ افغانستانلیک بیرلشیک‌لرینی تهدیدلر برابریده یککه قویه‌دی. جناب مکانیل نینگ کوپه‌یتیریشیچه، بایدن نینگ مصلحتچی‌لری هم بو موضوع نی تصدیقله‌یدی که اونینگ تعبیری گه بو ناگوار دیر.
اوشبو آمریکالیک سناتور نینگ ایتیشیچه، طالبان آمریکالیک کوچلرنینگ چیقیشی بیلن جسور بولگن و افغانستان ده عیاللر حقلری بولیمیده‌گی یوتوقلرنی آرقه گه اوریب و کابل نی اشغال قیلیش اوچون حرکت قیلماقده‌لر.
میچ مکانیل افغانستان ده ترورچیلیک تهدیدی خصوصیده آگاه‌لنتیرگن بیرحالده، آمریکالیک کوچلر ۱۱- سپتامبر آیی گچه افغانستان نی ترک قیلیش گه قرار قیلگن. افغانستان دن چیت‌ایللیک کوچلرنینگ چیقیش پروسه‌سی باشلنگن بیرحالده، مذکور گروه اوتگن کونلرده نیچه تومن نی اشغال قیلگن.
ایتیش کیره‌ک که محمداشرف غنی و عبدالله عبدالله چهارشنبه کونی کابل دن واشنگتن کیتدی. بو سفر جو بایدن نینگ دعوتی اساسیده صورت تاپدی و غنی و عبدالله نینگ جمهورلیک ریاستی نینگ بیرینچی اورین‌باسری امرالله صالح، تشقی ایشلر وزیری محمدحنیف اتمر، ملی خوفسیزلیک کینگش مصلحتچیسی حمدالله محب، عبدالمتین بیگ، حبیبه سرابی، فاطمه گیلانی و شهرزاد اکبر همراه‌لیک قیله‌دی.
