افغانستان جمهور رئیسی محمداشرف غنی نینگ ایتیشیچه، طالبان ۷ مینگ محبوسی نینگ قوییب یوباریلیشی تینچلیک سبب بولگن صورتده، بو ایش‌گه موافقت قیله‌دی.
جناب غنی، اوشبو صحبت‌لرنی اوتگن “جمعه” کونی اشپیگل مجله‌سی بیلن اوتکزگن صحبتیده بیان قیلگن.
اونینگ ایتیشیچه، غرب طالبان‌نی نوازش بیریش‌گه نقطه قوییگن صورتده، اوشبو گروه تینچلیک گزینه‌سینی انتخاب قیلیشی ممکن.
مملکت جمهور رئیسی نینگ اوتگن ییل طالبان ۵ مینگ محبوسی آزاد ایتیلگنی‌گه اشاره قیلیب ایتیشیچه، مذکور محبوس‌لرنینگ قوییب یوباریلیشی افغانستان‌نی تینچلیککه یقین قیله‌دی دیگن ایدیلر، لیکن مذکور محبوس‌لر آزاد ایتیلگنیدن سونگ، زوروانلیکلر رقمی یوقاری کیتگن.
جناب غنی، پاکستان بیلن امنیتی بیر کیلیشوونامه امضا ایتیلیشینی تینچلیک اوچون اونملی عنوان قیله‌دی. اونینگ ایتیشیچه: «تینچلیک خصوصیده بیرینچی دن منطقه‌ده قرار قیلینیشی ممکن. پاکستان نینگ کیلتیریشی اونملی مسله‌لردن دیر. آمریکا نینگ اورنی حاضرده کیچیک دیر. تینچلیک سوراقی یا-ده خصومت پاکستان نینگ قولی‌گه دیر.»
جمهور رئیس نینگ کوپه‌یتیریشیچه: «پاکستان طالبان دن منظم شکلده حمایت قیله‌دی. لوژستیک، مالی تمویل و طالبان نینگ عسکر آلیشی او ییر ده دیر. کویته کینگشی، میرانشاه کینگشی و پشاور کینگشیده طالبان خصوصیده قرار قیلینه‌دی. پاکستان حکومتی بیلن یخشی رابطه‌سی بار.»
جناب غنی نینگ کوپه‌یتیریشیچه، غرب دیپلماسی‌سی نینگ طالبان‌نی نوازش قیلشدن قول تارتیشی کیره‌ک، چونکه طالبان جنایتچی بیر گروه دیر.
اونینگ کوپه‌یتیریشیچه، طالبان گروهی کته جنایت‌لر جمله‌دن کابل غربی ده جایلشگن سیدالشهدا مکتبی اوستیگه هجوم قیلیش‌گه زمینه یره‌تگن و ادعالریگه قرشی القاعده بیلن رابطه‌سینی توخته‌تیب قویمه‌گن.
ایتیلیشیچه، طالبان گروهی بوندن آلدین ۷ مینگ محبوسی نینگ حکومت قماقخانه‌لریدن آزاد ایتیلمهیشینی تینچلیک جریانیگه قرشی توسق عنوان قیلگن ایدی.
حکومت بیرقطار رسمی‌لری نینگ ایتیش‌لریچه، طالبان محبوسلری نینگ آزاد ایتیلیشی، تینچلیک جریانیگه یاردم بیرمه‌یدی، چونکه اوشبو گروه ۵ مینگ محبوسی آزاد ایتیلگنیدن سونگ، زوراونلیکلر رقمی یوقاری کیتگن.
