فاریاب ده انسان پرور بیر جمغرمه، چقور بیر قودوق قازیشی بیلن، ۱ مینگ عایله‌نی ایچیملیک سوو بیلن تأمینله‌گن.
اوتگن کون (جمعه، ۲۵ سنبله) مذکور جمغرمه مسئولی عبدالرحمان بشر دوست نینگ سلام‌وطندار گه ایتیشیچه، فاریاب ولایتی قیصار تومنی نینگ مرکزی گه قره‌شلی «ماتو» قیشلاغیده چقور بیر قودوق قازیشی بیلن، مذکور قیشلاق یشاوچیلرینی ایچیملیک سوو بیلن تأمینله‌گن.
بیزلرنینگ فیسبوک صحیفه‌میزگه باش اورینگ!
قیصار تومنی اولسوالی محمداسماعیل سعادت گه کوره، بوندن آلدین اوشبو قیشلاق یشاوچیلری ایچیملیک سوو یوق‌لیگی باعث، ایریم قیینچیلیکلر بیلن روپه‌ره ایدیلر.
عین‌حالده، فاریاب ساغلیق‌نی سقلش مسئوللری نینگ ایتیشلریچه، ایچیملیک سوو یوق‌لیگی باعث، مذکور ولایتده «کولرا» کسللیگی کوپه‌یشیگه سبب بولگن.
فاریاب ساغلیق‌نی سقلش باشلیغی عجب‌خان حمیدی، اوتگن هفته چهارشنبه ۲۳ سنبله، اوشبو ولایت نینگ قیصار تومنی «تامچی‌بابر» و «تامچی تنزایی» قیشلاق‌لریده ایچیملیک سوو یوق‌لیگی سبب، بیر مینگ دن آرتیق کیشی کولرا کسللیگیگه چلینیب و اوچ کیشی قربان بولگنینی ایتگن ایدی.
بیزلرنینگ توییترده هم تعقیب قیلینگ!
سونگی سوو تاشقین‌لری و آدم‌لر نینگ ایچیملیک سوو گه دسترس‌لیگی یوق‌لیگی، افغانستان نینگ قطار ولایت‌لریده کولرا کینگه‌یشیگه سببب بولگن.
