فاریاب یشاوچیلریدن بیرقطاری، اوشبو ولایت ده نیچه ییل دن بویان ایشلاوچی و تیلنچی بالهلر سانی کوپهیگنینی ایته‌دیلر. فاریاب مرکزی میمنه شهری ده، کونلرینی یشاوچیلر نینگ ایاق کییم‌لرینی بویش بیلن اوتکزه‌یاتگن ۱۲ یاشر سهراب گه کوره، عایله اعضالری نینگ خرجتینی تأمینلش اوچون یشاوچیلر نینگ ایاق کییم‌لرینی بویش گه مجبور دیر.
بیشینچی صنف اوقووچیسی سهراب نینگ ایتیشیچه، شفاکار بولیش نی آرزو قیلر ایدی؛ لیکن کمبغللیک باعث تعلیمی گه دوام بیره آلمه‌ی و ایشلش گه مجبور بولگن.
او نینگ کوپه‌یتیریشیچه: «المار ده اوروش ایدی، میمنه گه مهاجر بولیب کیلدیک؛ اجاره گه اوی آلدیک، آتم ناگران دیر ایشله‌ی آلمه‌یدی، عسکر ایدی اوروش پیتیده بمب پارتلشی باعث ناگران بولدی؛ شهر ده یشاوچیلر نینگ ایاق کییم‌لرینی بویه‌ی من، هر کونی ۱۵۰ و ۲۰۰ افغانی ایشلب اوی گه نان آلیب باره‌من.»
بیزلرنینگ فیسبوک صحیفه‌میزگه باش اورینگ!
نیچه ییل آلدین فاریاب ولایتی گرزیوان تومنیدن عایله‌سی بیلن میمنه شهری گه آواره بولیب کیلگن ۱۰ یاشر شفیق‌الله گه کوره، عایله اعضالری نینگ خرجتینی تأمینلش اوچون حاضرگچه مکتب گه شامل بوله آلمه‌گن.
۱۱ کیشی‌لیک عایله ده تیریکچیلیک قیلیب کیله‌یاتگن شفیق‌الله نینگ کوپه‌یتیریشیچه، آته‌سی ایشله‌یدی؛ بیراق ییگولیک ماده‌لر نرخی یوقاری‌لیگی باعث، عایله‌سی نینگ احتیاج‌لریدن بیر بولیمینی تأمینلش اوچون ایشلب یا که تیلنچی‌لیک قیلیش گه مجبور دیر.
اونگه کوره: «مکتب اوقیگن یوق‌من، مکتب بارسم عایله گه کیم نان آلیب بارسین، مکتب باریب و انجنیر بولیشنی ایسته‌ی من.»
عین‌حالده، فاریاب ده مدنی فعاللردن نظرمحمد نینگ ایتیشیچه، اوتگن ۲۰ ییل ده‌گی اوروش باعث، اوشبو ولایت ده کوپ سانده بالهلر آته‌لرینی قولدن بیرگن و کمبغللیک طفیلی مکتب بارمه‌ی و شهر ده ایشلش گه مجبور بولگنلر.
اونگه کوره، کوپ سانده بالهلر عایله اعضالری نینگ خرجتیدن بیر بولیمینی تأمینلش اوچون فاریاب تومن‌لریدن میمنه شهری گه کیلگنلر. «اوتگن ایچکی اوروش‌لر باعث قطار بالهلر ییتیم بولیب و عایله‌لری نینگ سرپرستینی قولدن بیرگن، حاضرگی کونده کمبغللیک باعث مکتب بارمه‌ی وشهرلرده ایشلش یا که تیلنچی‌لیک قیلیش گه مجبور بولگنلر.»
بیزلرنینگ توییترده هم تعقیب قیلینگ!
فاریاب ایش و اجتماعی ایشلر باشلیغی ریحان متوکل، مذکور ولایت ده ایشلاوچی و تیلنچی بالهلر سانی کوپه‌یشیدن خواطر بیلدیریب ایتیشیچه، اوشبو ریاست نینگ ایشلاوچیلری همکار مؤسسه‌لر یاردمی بیلن، آته‌لرینی قولدن بیرگن کمبغل بالهلر گه ایش و تعلیم زمینه‌سینی یره‌تیش مقصدیده سعی‌وحرکت قیلماقده‌لر.
متوکل نینگ کوپه‌یتیریشیچه، بالهلر اوی‌لرینی قیته فعال قیلیش اوچون تلاش قیلماقده‌لر و یقینده شهر بویلب بالهلر ییغیلیب و بالهلر اوی‌لری گه انتقال بیریله‌دی.
اونگه کوره: «آی‌لیک ییغیلیش‌لرده بو مسئله‌نی باغلیق اداره‌لر بیلن شریک قیله‌میز، دولت اداره‌لری و همکار دفترلر آره‌سیده‌گی هماهنگ‌لیک مستحکم‌لنیش اوچون تلاش قیله‌یپمیز»
افغانستان ده ایشلاوچی بالهلر سانی معلوم بولمسه ده؛ بیراق بوندن آلدین بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، اوز گزارش‌لریده افغانستان بویلب بیر میلیون دن آرتیق باله شاقه ایشلر بیلن مصروف لیگینی ایتگن ایدی.
