اسلامی امارت سوزلاوچیسی ذبیح‌الله مجاهد نیچه دقیقه آلدین اوز توییتری‌ده، قندوز ولایتی امام‌صاحب تومنی گه قره‌شلی «خانقای مولوی سکندر» مسجدی ایچیده پارتلش یوز بیریب باله‌لر شامل ۳۳ تینچ اهالی هلاک و باشقه ۴۳ کیشی یره‌لنگنینی یازگن.
اسلامی امارت سوزلاوچیسی اوشبو هجوم‌نی قاره‌لب ایتیشیچه، واقعه عامل‌لری «فتنه‌چی و بوزیق‌باش» دیر. جناب مجاهد، مذکور حادثه عامل‌لرینی قولگه آلیش و جزالنتیریش اوچون سعی و حرکت قیلینه‌یاتگنینی تأکید ایتگن.
بیزلرنینگ فیسبوک صحیفه‌میزگه باش اورینگ!
اوشبو پارتلش بوگون توش چاغی ساعت ۲:۳۰ اطرافیده، نماز اوقووچیلر و طلبه‌لر جمعه نمازینی اوقیگندن کیین، ذکر دایره‌سینی اوتکزیش چاغیده یوز بیرگن.
اسلامی امارت متصدی‌لری، پارتلش قنده‌ی‌لیگی خصوصیده حاضرگچه هیچ نرسه دیمه‌گن. حادثه مسئولیتینی حاضرگه قدر هیچ بیر کیشی یا گروه زمه‌سیگه آلمه‌گن.
بیزلرنینگ توییترده هم تعقیب قیلینگ!
مذکور پارتلش، بلخ ولایتی نینگ مرکزی مزارشریف شهری‌ده «سه دکان» مسجدی ایچیده اویوشتیریلگن قانلی واقعه‌دن کیین یوز بیرگن. اوشبو هجوم مسئولیتینی اسلامی دولت (داعش) گروهی زمه‌سیگه آلیب و ۱۰۰ دن آرتیق کیشی اولیب و یره‌لنگنینی ادعا قیلگن.
