کابل غربیده منبع‌لر نینگ میدیالرگه ایتیشلریچه، امنیتی ۱۸-حوزه حدودلریده جایلشگن «شهید عبدالرحیم» مکتبی‌ده اویوشتیریلگن پارتلش‌لردن بیری‌ده، کمیده ۲۵ اوقووچی هلاک بولگن.
منبع‌لر، بوگون ایرته‌لب مذکور مکتب یقینیده اویوشتیریلگن اوشبو حادثه‌لر، خودکش هجوم ایکنینی بیلدیره‌دیلر. منبع‌لر نینگ کوپه‌یتیریشیچه، اوقووچیلر مکتب‌دن رخصت بولگن چاغ‌ده پارتلش یوز بیرگن.
بیزلرنینگ فیسبوک صحیفه‌میزگه باش اورینگ!
بوگون ایرته‌لب کابل نینگ غربی، اوچ پارتلش گواهی ایدی. ایکی پارتلش شهید عبدالرحیم مکتبی یقینیده و اوچینچی پارتلش ایسه «ممتاز» اوقوو مرکزی‌ده یوز بیرگن.
محلی منبع‌لر، ممتاز اوقوو مرکزی‌ده اویوشتیریلگن پارتلش‌ده ۵ کیشی هلاک و باشقه ۱۰ دن آرتیق کیشی یره‌لنگنینی تصدیقله‌گنلر.
عین‌حالده، کابل امنیه قوماندان‌لیگی سوزلاوچیسی خالد زدران نینگ سلام‌وطندارگه ایتیشیچه، دستلبکی معلومات‌لری اساسیده، آلتی کیشی هلاک بولگن و ۱۱ کیشی ایسه یره‌لنگن. جناب زدران نینگ کوپه‌یتیریشیچه، اسلامی امارت کوچلری واقعه محلی‌ده ییتیب بارگن‌لر و تیکشیریش‌لر باشلنگن.
شونینگدیک ایمرجنسی کسلخانه‌سی توییتری‌ده، حادثه محلی‌دن حاضرگچه ۷ یره‌لی کیشی مذکور کسلخانه‌گه انتقال بیریلگن دیب یازگن.
اوشبو پارتلش‌لر مسئولیتینی حاضرگه‌قدر هیچ بیر گروه زمه‌سیگه آلمه‌گن.
بیزلرنینگ توییترده هم تعقیب قیلینگ!
باشقه تاماندن، اسلامی امارت کوچلری خبرچی‌لرگه واقعه‌نی پوشیش بیریش‌گه رخصت بیرمه‌ی و قطار خبرچی‌لرنی کلتکلب و قولگه آلینگن‌لری ایتیلگن.
ایتیش کیره‌ک که، بوندن آلدین کابل غربی قسمیده‌گی تعلیمی مرکزلرده خودکش هجوم‌لر اویوشتیریلیب و اوقووچیلردن قربان‌لیک آلگن. سیدالشهدا مکتبی‌ده اویوشتیریلگن سونگی واقعه‌ده ۶۰ اوقووچی هلاک بولگن.
