بیرلشگن ملت‌لر تشکیلاتی نینگ خوفسیزلیک کینگشی، اوتگن کیچه (چهارشنبه، ۲۹-قوس)، بیر ییغین یولگه قوییش بیلن افغانستان وضعیتی نی تیکشیرگن.
ترورچیلیککه قرشی کوره‌ش، همه‌شمول حکومت شکللنیشی و انسان حق‌لری رعایت قیلینیشی، مذکور ییغین‌ده اسلام امیر‌لیگی‌دن بولگن اونملی ایسته‌کلر صفتیده بیان بولیب و بو مورد‌لر نینگ سرپرست حکومت آرقه‌لی نظرگه آلینمه‌سلیگی خصوصیده خواطرلر بیلدیریلگن.
بیزلرنینگ «ایکس» ترماغی ده هم تعقیب قیلینگ!
شونینگدیک خوفسیزلیک کینگش ییغینی‌ده افغانستان ده بیرلشگن ملت‌لر تشکیلاتی باش کاتبی نینگ مخصوص نماینده‌سی و یوناما باشلیغی روزا اوتونبایوا آرقه‌لی اسلام امیرلیگی بیلن تعامل موضوع‌سی بیان بولگن.
اسلام امیرلیگی سوزلاوچیسی ذبیح‌الله مجاهد، تحریم‌لر یکونلنیشی و اسلام امیرلیگی بیلن تعامل موضوع‌سی بحث بولگنی‌دن خورسند‌لیک بیلدیریب، افغانستان توپراغی‌دن تروروچیلیک تهدید‌لر بارلیگی خصوصیده بیان بولگن خواطرلر نی رد قیلگن.
بو توغریده مجاهد نینگ سلام‌وطندار گه ایتیشیچه: «مملکت‌لر اسلام امیرلیگی بیلن تعامل بولیش و تحریم‌لر یکونلنیشی نی بویروغ بیرگنلر که بیزلر اوندن خورسند‌لیک قیله‌میز، بیراق افغانستان ده امنیت خصوصیده خواطرلر نی رد قیله‌میز.»
بیزلرنینگ فیسبوک صحیفه‌میزگه باش اورینگ!
اوتگن ایکی ییل‌ده نیچه مرته افغانستان وضعیتی خصوصیده خوفسیزلیک کینگش ییغینی کبی ییغین‌لر یولگه قوییلیب و دنیا تامانیدن خواطرلر بیان بولگن؛ بیراق بو ییغین‌لر حاضرگچه افغانستان ده هیچ قنده‌ی اوزگریش کیلتیرمه‌گن.
افغانستان ده اسلام امیرلیگی نینگ قدرت گه ایریشگنی‌دن ایکی ییل‌دن کوپراق اوتگنی بیلن، دنیا جماعه‌سی و اسلام امیرلیگی اونملی موضوع‌لر جمله‌دن همه شمول حکومت، انسان حقوقی رعایت بولیشی و ترورچیلیککه قرشی کوره‌ش خصوصیده تفاهم گه ییتیشه آلمه‌ی و حاضرگچه اسلام امیرلیگی حکومتی رسمیت گه تانیلمه‌گن.
