داعش گروهی (اسلامی دولت) النبأ نشریه‌سی نینگ سونگی سانیده، کابل ده خارجی ایلچیخانه‌لرنی جاسوس‌لر اویه‌سی دیب و نشانگه آلیشیدن آگاه‌لنتیرگن. میدیالر و اجتماعی ترماق‌لرده اوشبو خبر ترقه‌لیشیدن کیین، اسلامی امارت بوتوغریده مناسبت بیلدیرگن.
سلام‌وطندار بیلن صحبت اوتکزگن اسلامی امارت سوزلاوچیسی نینگ اورین باسرلریدن بلال کریمی گه کوره، داعش گروهی نینگ کابل ده خارجی ایلچیخانه‌لر گه هجوم قیلیش کوچی یوق دیر. جناب کریمی ایلچیخانه‌لر خوفسیزلیگی تأمین ایتیلیشیدن ایشانچ بیلدیریب ایتیشیچه، افغانستان ده اسلامی امارت حاکم بولیشیدن کیین، ۱ مینگ دن آرتیق داعش جنگری‌سی یوق ایتیلگن.
بیزلرنینگ فیسبوک صحیفه‌میزگه باش اورینگ!
عین‌حالده، سیاسی ایش بیلرمان احمدسعیدی نینگ سلام‌وطندار گه ایتیشیچه، داعش گروهی نینگ کابل ده روسیه ایلچیخانه‌سی گه اویوشتیرگن هجومی، بو گروه کابل ده ایلچیخانه‌لر گه تهدید ایکن‌لیگینی کورسته‌دی.
جناب سعیدی گه کوره، داعش اسلامی امارت ایچیده نفوس قیلگن و افغانستان ده خارجی ایلچیخانه‌لر گه جدی تهدید بولیشی ممکن.
برچه‌سی بیلن، سیاسی ایش بیلرمان‌لردن باشقه بیری خلیل‌احمد نادم، پاکستان دن تنقید قیلیب ایتیشیچه، داعش گروهی پاکستان و فرا منطقه مملکت‌لر تامانیدن قوللب_قوتلنه‌دی. اونینگ ایشانچی گه کوره، استخباراتی کوچلی ترماق‌لر هردایم افغانستان ده ضعیف نظام ایجاد ایتیلیش آرتیده دیر و مملکتده کوچلی حکومت شکللنیشی بیلن، عصیانچی بیر گروه باش کوتاره‌دی.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، اوتگن هفته کابل شهری ده روسیه ایلچیخانه‌سی یقینیده اویوشتیریلگن خودکش هجوم که نتیجه ده، ۶ کیشی هلاک بولیب و باشقه ۱۰ کیشی یره‌لندی؛ داعش مسئولیتینی اوز زمه‌سیگه آلدی. ییتکیرمه‌لر نینگ معلوماتی اساسیده، خودکش هجومچی پارتلش ماده‌نی مذکور ایلچیخانه دروازلریدن بیری نینگ یقینیده توپلنگن آدم‌لر اورته‌سیده پارتلتدی.
