ینگی‌لیکده آمریکا مدافعه وزیرلیگی یا پنتاگون افغانستان‌ده اسلامی دولت (داعش) و القاعده حضوری توغریسی‌گه گزارش ترقتگن.
مذکور گزارش‌ده کیلیشیچه، افغانستان‌ده اسلامی دولت گروهی نینگ خرسان شاخه‌سی، اسلامی امارت‌دن ناراضی کیشی‌لرنی اوز صف‌لریگه جذب قیلیش اوچون حرکت قیلماقده.
اوشبو گزارش‌ده ایتیلیشیچه، داعش و القاعده گروه‌لری نینگ افغاستان‌ده حاضرهم حضوری بار و بو افغانستان و منطقه مملکت‌لری نینگ خوف‌سیزلیگی برابریده کتته بیر خطر دیر.
بیزلرنینگ فیسبوک صحیفه‌میزگه باش اورینگ!
پنتاگون داعش گروهی نینگ هجوم‌لریگه اشاره قیلیب ایتیشیچه، اوشبو گروه اوتگن ییل اکتوبر آیی‌ده قولگه کیلتیرگن فرصت‌دن فایده‌‌لنیب اسلامی امارت‌گه قرشی و نارضی کیشی‌لرنی اوز صف‌لریگه کیلتیریش اوچون سعی و حرکت قیلماقده.
شونده‌ی بیرحالده، سیاسی و بین‌المللی ایش بیلرمانلر افغانستان نی قورالی گروه‌لر نینگ جذب ایتیلیشی‌گه مناسب بسترعنوان قیلیب؛ بیراق اسلامی امارت دن شوکبی قیینچیلیک‌لر آلدینی آلیش اوچون تیزلیکده اقدام قیلیشلرینی سوره‌گنلر.
سیاسی ایش بیلرمانلردن بیری عبدالجبار اکبری نینگ ایتیشیچه، قورالی گروه‌لر حکومت گه قرشی و ناراضی کیشی‌لرنی اوز صف‌لریگه جذب قیلیش اوچون سعی و حرکت قیلماقده‌لر، بیراق او نینگ کوپه‌تیریشیچه، اهالی ایدئولوژی لحاظ دن اولر بیلن تینگ ایمس.
بیزلرنینگ توییترده هم تعقیب قیلینگ!
شونده‌ی بیرحالده، بو توغریده اسلامی امارت سوزلاچیسی نینگ فکرینی آلیشنی ایسته‌دیک؛ بیراق موفق بولمه‌دیک.
امریکا قوشمه ایالت مدافعه وزیرلیگی شونده‌ی بیرحالده افغانستان‌ده داعش گروهی نینگ حضوریدن خواطر بیلدیره‌دی که بوندن آلدین اسلامی امارت رسمی‌لری مملکت‌ده مذکور گروه حضورینی رد قیلیب، هیچ بیرعصیانچی گروه گه افغانستان توپراغیدن بوزمه‌کارلیک قیلیش‌گه رخصت بیرمه‌یشی اوستیگه تاکید قیلگن ایدی.
