افغانستان یشاوچی‌لری ۲۰۱۴- میلادی ییلدن سونگ، ناتینچلیکلر و ایش‌سیزلیکلر سبب، مملکت نی ترک قیلیش‌گه باشلگن. مملکت کوپ قطار یاش‌لری و عایله‌لری اوروش و عدالت‌سیزلیک دن اوزاقده تیریک‌چیلیک قیلیش اوچون چیت‌ایللیک مملکت‌لرگه مهاجر بولگنلر. مملکت یشاوچی‌لری اروپا گه باریش مقصد ده مال‌لریدن وازگیچیب و جان‌لرینی خطرگه تشله‌گنلر. اولردن بیرقطاری آرزولریگه قول تاپگن و باشقه بیرقطاری ایسه رویالریگه ییتیشیش مقصد ده سووگه آق‌گنلر.
افغانستان یشاوچی‌لری، کینگ شکلده مملکت‌نی ترک قیلیش‌گه باشله‌گنی سبب، دولت میزبان مملکت‌لر بیلن کیلیشوونامه امضا قیلیب و قوشمه اعلامیه نشر قیلگن. ۲۰۱۶- ییلده افغانستان و اروپا بیرلشمه‌سی تامانیدن نشر ایتیلگن اعلامیه‌ده بیرقطار نکته‌لر ذکر قیلنگن.
افغانستانلیک باش‌پناه ایزلاوچی‌لرنی اروپا مملکت‌لردن سورگون ایتیلمه‌یشی مذکور نکته‌لردن بیری دیر.
مهاجرلر و باش‌پناه ایزلاوچی‌لر وزیرلیگی مسوول‌لری نینگ ایتیش‌لریچه، افغانستان و اروپا بیرلشمه‌سی تامانیدن نشر ایتیلگن قوشمه اعلامیه‌گه کوره، ۲۰۱۶- میلادی ییلدن بویان افغانستان‌گه سورگون ایتیلیش‌گه قرار قیلینگن ۴۰ باش‌پناه ایزلاوچی رد ایتیلیب آلمان و فرانسه مملکت‌لریگه قالگن دیر.
- ناقانونی مهاجرلیک و روانی قیینچیلیک‌لرگه چلینگن ییگیت نینگ حکایه‌سی
- مهاجرلیک؛ مقصد یا-ده اولیم گه آلیب باره‌دیگن یول
- افغانستانلیک متقاعد افسرنینگ مهاجرلیک حکایه‌سی
- ناقانونی مهاجرلیک؛ «اروپا کیتماقچین ایدی، بیراق توپراق آستیگه کیتدی»
مهاجرلر و باش‌پناه ایزلاوچی‌لر وزیرلیگی نینگ مطبوعاتی بولیمی مصلحتچی‌سی سیدعبدالباسط انصاری نینگ ایتیشیچه، اوشبو کیشی‌لر عادی شکلده میزبان مملکت‌لرده تیریک‌چیلیک قیله‌دی و تعلیم کوریش و ایش‌لش گه مستحق بولگنلر.
افغانستانلیک مهاجرلردن کوپ قطاری نامنظم مهاجرلیک آرقه‌لی اروپا مملکت‌لریگه بارگن‌لر و اولردن بیرقطاری کوپینچه قیین‌چیلیکلرنی تحمل قیلگنلر.
افغانستانلیک مهاجرلرنینگ وضعیتی دنیا نینگ هیچ‌بیر ییریده توصیف ایتیلمه‌یدی و کوپراق‌لری مشقت و رنج آرقه‌لی تیریک‌چیلیک قیله‌دیلر.
سلام‌وطندار اوزبیک بولیمی‌نی فیسبوک‌ده تعقیب قیلینگ
سونگی ییل‌لرده ناتینچلیک و قتل کوپه‌یگنی سبب، افغانستان یشاوچی‌لری بیرینچی مرحله‌ده اوچ مملکت‌نی هدف تعیین قیله‌دیلر؛ پاکستان، ایران و ترکیه دیر و اوشبو مملکت‌لر آرقه‌لی اروپا گه باریش‌نی ایسته‌یدیلر، بیراق یولده کوپینچه قیین‌چیلیک بیلن دوچ کیله‌دلر.
ترکیه ده تیریک‌چیلیک قیله‌دیگن مهاجرلر، هردایم وضعیت‌لری نینگ یمان‌لیگی دن تنقید قیلگنلر و چیگره‌لر آچیلیشینی کوتیب تورگن‌لر و بیرقطاری ایسه مهاجرلیک تشکیلات‌لریده دوسیه‌لرینی کوتماقده‌لر.
افغانستانلیک مهاجرلردن بیری رضا اکبری ۳ ییلدن بویان عایله‌سی بیلن ترکیهده تیریک‌چیلیک قیله‌دی. اونینگ ایتیشیچه، اوشبو مملکتده مهاجرلر وضعیتی یمان دیر. جناب اکبری گه کوره، مهاجرلر کم مزد گه قرشی شاققه ایش‌لرنی انجام بیره‌دی.
رضا اکبری نینگ ایتیشیچه: «استانبولده آی‌لیک درآمد اورتلمه ۳ مینگ لیره دیر؛ لیکن افغانستان‌لیکلر ۱۴ ساعت ده ۲ مینگ لیرگه ایش‌لش گه حاضر دیرلر، چونکه باشقه گزینه یوق و باشقه جای‌گه ایش قیله آلمه‌یدیلر. مجبور دیرلر.»
افغانستانلیک باش‌پناه ایزلاوچی‌لردن باشقه بیری محبوبه رضایی نینگ ایتیشیچه، ناتینچلیکلر سبب، ۲۰۱۷- ییلده افغانستان‌نی ترک قیلگن. او، حاضرده ترکیه شهرلریدن بیریده تیریک‌چیلیک قیله‌دی. خانم رضایی نینگ کوپه‌یتیریشیچه، نیچه مدت آلدین بیرلشگن ملتلر تشکیلاتی‌دن باش‌پناه ایسته‌گن، لیکن حاضرگه‌قدر کرونا ویروسی سبب، مصاحبه گه چقیریلمه‌گن.
محبوبه رضایی نینگ کوپه‌یتیریشیچه، باش‌پناه ایزلاوچی‌لیک دوسیه‌سی بیرلشگن ملتلر تشکیلاتی نظریگه حساس دوسیه‌لردن بیری دیر، لیکن حاضرگه‌قدر هیچ‌قنده‌ی ایش صورت تاپمه‌گن.
خانم رضایی نینگ ایتیشیچه، مهاجرلردن کوپ قطاری بیم و نامیدلیک بیلن تیریک‌چیلیک قیله‌دی و بو وضعیت سرنوشتی بیللی بولمه‌گن مهاجرلر آره‌سیده روانی کسل‌لیکلرنی کوپه‌یتیرگن. اونینگ ایتیشیچه، سلبی جواب قولگه کیلتیرگن باش‌پناه ایزلاوچی‌لر نامنظم مهاجرلیککه قول اوره‌دیلر و اولردن بیرقطاری جان‌لرینی قولدن بیره‌دیلر.
باش‌پناه ایزلاوچی‌لرنینگ ایتیش‌لریچه، بیرلشگن ملتلر تشکیلاتی نینگ یاردم‌لری هرتامانلمه ایمس و یالغیز خاص و محدود کیشی‌لر مذکور یاردم‌لردن فایده‌لنه‌دیلر.
