بوگون “چهارشنبه” بیلیم یورت اوقیتووچی‌لریدن بیری عایله اعضاسی بیلن کفن کییب مملکت‌ده جاری بولگن وضعیت‌گه قرشی اعتراض بیلدیرگن.
او، کم بغل‌لیک، ایش‌سیزلیک، عیال‌لر و قیزلرنینگ ایش و تحصیل قیلیشدن محروم ایتیلیشی و دنیا نینگ افغانستان جاری وضعیتی خصوصیده جیم تورگنی‌گه قرشی اعتراض بیلدیرگن.
بیزلرنینگ فیسبوک صحیفه‌میزگه باش اورینگ!
شونینگدیک، جاری هفته “دوشنبه” کونی بیلیم یورت اوقیتووچی‌لریدن بیری کابل شهری نینگ ۴- ناحیه‌سیده اسلامی امارت کوچلری تامانیدن توهین ایتیلیب و کلتکلنگن.
بیلیم یورت اوقیتووچی‌لریدن بولمیش واقف نوری نینگ سلام‌وطندارگه ایتیشیچه، اسلامی امارت امنیتی کوچلری اونینگ اوقیتووچی‌لیگیدن آگاه بولگنیدن سونگ، توهین قیلیب و کلتکلگن دیر. جناب نوری گه کوره، کمیده ۱۰ دقیقه اوزی و موتری جدی شکلده تیکشیریلگن.
بوندن آلدین بیلیم یورت اوقیتووچی‌لریدن بیرقطاری حقوقلری ۵ مینگ افغانی گچه کمه‌یگنیدن خبر بیریب و خواطر بیلدیرگن ایدی‌لر. شونینگدیک، کابل بیلیم یورتی باشلیغی نینگ اسلامی امارت تامانیدن تعیین‌لنگنیدن سونگ، اوقیتووچی‌لردن بیرقطاری اسلامی امارت بو قراری‌گه قرشی اوز ایش‌لریدن استعفا قیلیش‌لرینی بیلدیرگن ایدی‌لر.
