بوگون (سه‌شنبه، ۱۱-اسد) افغانستان مرکزی بانکی توییتر صحیفه‌سیده بیر خبرنامه ترقه‌تیب اعلام قیلگن که، ۴۰ میلیون دالرلیک کمکی بسته کابل گه ییتیشگن.
اوشبو بانککه کوره، دنیا جماعه نینگ انسان دوستلیک یاردم‌لری دوامی‌ده، بوگون افغانستان گه باشقه ۴۰ میلیون دالرلیک بسته‌سی ییتیشیب و سوداگرلیک بانک‌لردن بیری گه تاپشیریلگن دیر.
بیزلرنینگ فیسبوک صحیفه‌میزگه باش اورینگ!
خبرنامه‌ده یازیلگن که: «جاری هفته جریانی افغانستان گه یوباریلیب و مملکت نینگ سوداگرلیک بانک‌لریدن بیری گه تاپشیریلگن ایکینچی نقدی یاردم‌لر بسته‌سی دیر.»
افغانستان مرکزی بانکی دنیا جماعه نینگ انسان‌دوستلیک یاردم‌لریدن خوش قرشی‌لب و اولردن افغانستان بیلن باشقه بولیم‌لرده هم همکارلیک و تعامل قیلیش‌لری نی ایسته‌گن.
بیزلرنینگ توییترده هم تعقیب قیلینگ!
مرکزی بانک ایتگن که، هر قنده‌ی درست یولدن افغانستان گه بارگن پول‌لر یخشی آدیم دیر و دنیا جماعه‌دن افغانستان بانکی سکتوری آرقه‌لی اوز یاردم‌لری نینگ انجام بیریشی نی ایسته‌گن.
شونده‌ی بیرحالده، افغانستان مرکزی بانک آرقه‌لی ترقه‌تیلگن رقم اساسیده، حاضرگچه یوزلرگچه میلیون دالر نقد پول کابل گه انتقال تاپگن دیر.
