Asset 1SWN

سلام وطندار

هلمند کې زرګونه کیلوګرامه نشه‌يي توکي له‌منځه وړل شوي

۱۲۱۱۱۲۲۲

د هلمند امنیتي مسوولان وايي چې د یاد ولایت په بېلابېلو ولسوالیو کې د تېرې یوې اوونۍ پرمهال زرګونه کیلوګرامه نشه‌يي توکي نیول شوي او له‌منځه وړل شوي دي.

د دوی په وینا، یاد نشه‌يي توکي د بهرامچې، ګرشک، سنګین، باغران او خانشین ولسوالیو کې د ځانګړو عملیاتو پرمهال نیول شوي دي.

د سلام‌وطندار پښتو فېسبوک‌پاڼه وڅارئ

د هلمند د امنیه قومنداني ویاند ملا عزت‌الله حقاني سلام‌وطندار ته وايي، د نشه‌يي توکو د مبارزې مدیریت مسوولانو د تېرې اوونۍ پرمهال په یادو ولسوالیو کې ۶۵۱۰ لیټره تېزاب، ۱۶۰۰ لیټره ټينر، ۲۲۵۰ کېلو ګرامه اومان، ۱۱۲۵ کېلو ګرامه اهاک، ۲۵۰ کیلوګرامه سوچمه او ۱۱ کیلوګرامه سود نیولي دي.

هغه وویل چې ټول نیول شوي نشه‌يي توکي او تېزاب له‌منځه وړل شوي او پنځه باروړونکي موټر اړوندو ارګانونو ته سپارل شوي دي.

د امنیه قومنداني د ویاند په وینا، د نشه‌يي توکو د مبارزې مدیریت په دې وروستیو کې ګڼې لاسته‌راوړنې لري او د دې ناوړه کاروبار پرضد یې، هڅې جدي دي.

سلام‌وطندار پر اېکس هم وڅارئ

د امنیه قومنداني چارواکي وايي چې دا عملیات د نشه‌يي توکو د له‌منځه وړو لپاره د دوی د ژمنو یوه برخه ده او په راتلونکي کې به هم ورته اقدامات دوام ولري.

مرتبط با این خبر:

به اشتراک بگذارید:
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام