د سوېلي ولایتونو یوشمېر کروندګر وايي، له هغه وروسته یې چې د کوکنارو پر کرلو بندیز لګېدلی، نهدي توانېدلي چې له خپلو کښتونو عاید ترلاسه او خپل روزګار پرې وچلوي. دوی وايي، د کوکنارو د بدیل کښت په برخه کې هم ورسره مرسته نهده شوې. کندهار کې یو کروندګر سیداحمد وايي، د کوکنارو کښت یې پرې بند کړی او دوی یې بدیل هم نه لري.
د هېواد په ختیځ، لوېدیځ، شمالي او سوېلي ولایتونو کې یوشمېر کروندګر وايي، سږ کال یې هم پر خپلو ځمکو کوکنار کرلي؛ ځکه په وینا یې، د بدیلو کښتونو برخه کې ورسره مرسته نهده شوې.
د کورنیو چارو وزارت اړوند له نشهيي توکو سره د مبارزې معینیت وايي، د اسلامي امارت مشر هبتالله اخندزاده امر کړی چې هېواد کې د کوکنارو کرل شوي فصلونه باید سروې شي.
ملګري ملتونه وايي، د ۲۰۲۱ کال پر مهال افغانستان کې پر ۱۷۷ زره هېکټاره ځمکې کوکنار کرل شوي وو، خو په روان ۲۰۲۲ کې پر ۲۳۳ زره هېکټاره ځمکې کرل شوي او په دې سره یې په کښت کې ۳۲ سلنه زیاتوالی راغلی دی.
د ملګرو ملتونو په راپور کې لیکل شوي چې کروندګرو روان کال په کابل کې هم کوکنار کرلي، خو تر ټولو ډېر بیا هلمند کې کرل شوي دي.
د اسلامي امارت مشر هبتالله اخندزاده د یوه فرمان په صادرولو سره په ټول هېواد کې د کوکنار او نورو هر ډول نشهيي توکو پر کښت بندیز اعلان کړی دی.
په دغه فرمان کې راغلي چې له دې وروسته په ټول هېواد کې د کوکنارو کښت په مطلقه توګه منع اعلان شوی او څوک نشي کولای چې د کښت هڅه یې وکړي.
هلمند د هېواد سوېلي زون کې یو له هغو ولایتونو دی چې د کرنیزو او خوړوبو ځمکو لویه برخه تشکیلوي او تېرو دوو لسیزو کې دا لومړی ځل دی چې کروندګرو سږکال دغه ولایت کې په پراخه کچه د کوکنارو کرکېلې ته مخه کړې. دوی وايي، که دولت یې د کیمیاوي کودونو، اصلاح شویو تخمونو په برخه کې لاسنیوی وکړي، د کوکنارو بدیل کښتونه به وکري.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
