پاکستاني ځواکونو د مرغومي په څلورمه، د سهشنبې شپه د پکتیکا د برمل ولسوالي پر لامن، مرغه او سوزغمي سیمو هوايي بریدونه وکړل. د دغو بریدونو غږ د شپې ارامي ماته او یوشمېر کورونه یې له خاورو سره خاورې کړل چې په خوارۍ او سختۍ یې جوړ کړي وو.
د ملګرو ملتونو د ماشومانو د ملاتړ صندوق یا یونیسف وايي، پر پکتیکا د پاکستاني پوځ هوايي بریدونو کې ۲۰ ماشومان وژل شوي دي.
په سوېلي اسیا کې د یونیسف سیمهييز مدیر سانجي ویجسکرا د مرغومي په شپږمه، د پنجشنبې ورځ پر اېکس د قربانیانو له کورنیو سره غمرازي کړې او لیکلي یې دي: «ماشومان هېڅکله موخه نهدي او نه باید واوسي.»
نن د مرغومي شپږمه یا پر افغانستان د پخواني شوروي اتحاد د یرغل ۴۵مه کلیزه ده. د ا.ا د بهرنیو چارو وزارت سرپرست امیرخان متقي په کابل کې پر افغانستان د پخواني شوروي اتحاد د یرغل ۴۵مې کلیزې په مناسبت یوې غونډې ته ویلي، پاکستان باید سنجول شوی سیاست غوره کړي. هغه په دې غونډه کې د پکتیکا پر برمل ولسوالي د پاکستان هوايي بریدونو ته په اشارې ویلي، افغانان هېڅکله پر خپلې خاورې یرغل نه مني.
په پاکستان کې یوشمېر افغان کډوال وايي، نه یوازې د ژوند لومړنیو خدمتونو ته لاسرسی نهلري، بلکې شپه او ورځ دا وېره ورسره وي چې پولیس به یې ونیسي او بېرته به یې افغانستان ته واړوي.
په پاکستان کې مېشت یو افغان کډوال اېمل حبیبي وايي، افغان کډوال په دغه هېواد کې په ډار او وېرې سره ژوند کوي.
د پاکستان د بهرنیو چارو وزارت په یوه خبرپاڼه کې ویلي چې دغه هېواد به د روانې زېږدیزې میاشتې په ۱۵مه او ۱۶مه د شانګهای همکاریو سازمان د ۲۳مې سرمشریزې کوربه وي. د پاکستاني رسنیو د راپور له مخې، ا.ا دې غونډې ته نهدی ور بلل شوی. د خبرپاڼې له مخې، په یاده غونډه کې به د شانګهای همکاریو سازمان غړي هېوادونه پر اقتصادي، سوداګریزو، د چاپېریال اړوند او فرهنګي همکاریو خبرې وکړي.
په تېره یوه ورځ کې ۳۷۷۵ افغانان له ایران او پاکستان څخه په زوره او خپله خوښه بېرته هېواد ته را ګرځېدلي دي.
د کډوالو او بېرته راستنېدونکو چارو وزارت نن (د زمري لومړۍ، د دوشنبې ورځ) پر اېکس لیکلي چې چې ۳۲۶۹ کسان د هرات د اسلامکلا او د نیمروز د ورېښمو پُل له لارې بېرته افغانستان ته را ګرځېدلي دي.
د کډوالو او بېرته راستنېدونکو چارو وزارت وايي، په تېرو څلورو ورځو کې ۱۱ زره او ۹۹۷ افغان کډوال په زوره او خپله خوښه له ایران او پاکستان څخه هېواد ته را ستانه شوي دي.
دغه وزارت نن (د چنګاښ شپاړلسمه، د شنبې ورځ) پر اېکس لیکلي چې ۱۰ زره او ۶۴۵ افغان کډوال په نیمروز کې د ورېښمو پل او په هرات کې د اسلامکلا له لارې له ایران څخه هېواد ته را ستانه شوي دي.
د سرپرست حکومت د دفاع وزارت د پاکستان د دفاع وزیر د تازه څرګندونو په غبرګون کې ویلي چې د افغانستان د ملي حاکمیت د نقض په اړه هر ډول نظر ورکول یو ناسنجول شوی عمل دی او د اوبو خړولو لپاره یوه هڅه ده.
د پاکستان د دفاع وزیر خواجه اصف تازه ویلي و، که اړتیا پېښه شي، د افغانستان په خاوره کې به پاکستاني طالبان یا ټيټيپي په نښه کړي.
د کډوالو او بېرته راستنېدونکو چارو وزارت مسوولانو په یوه خبرپاڼه کې ویلي چې ایران په تېره یوه ورځ کې د هرات اسلامکلا له لارې ۱۷۷۳ افغانان په زوره هېواد ته را ګرځولي دي.
په خبرپاڼه کې لیکل شوي چې پاکستان هم په تېره یوه ورځ کې ۳۲۴ افغانان د کندهار د سپینبولدک له لارې هېواد ته په زوره راګرځولي دي.
د افغانستان او پاکستان په ټرانزیټي لارو کې په لنډمهاله سندونو د سوداګریزو موټرو له تګراتګ څخه د نږدې یوې اوونۍ په تېرېدو سره د سوداګرۍ او پانګونې خونې مسوولان وايي، پر دغو لارو د سوداګریزو توکو د لېږدوونکو لاریو تګراتګ ډېر شوی دی.
د پاکستان لومړی وزیر شهباز شریف وايي چې دغه هېواد کې د مېشت چینايي وګړو امنیت به په بشپړه توګه نیسي او په وینا یې، په دې تړاو یې یو پلان هم چمتو کړی دی.
شهباز شریف دغه څرګندونې سهشنبه، مې ۲۸مه پاکستان کې د چین پانګونې او د چینايي وګړو د امنیت اړوند په جوړې شوې یوې غونډه کې کړې دي.
د پاکستان لومړي وزیر شهباز شریف د جمعې په ورځ یوې اقتصادي غونډې ته ویلي، هېواد یې له افغانستان سره د «ترجیحي» سوداګري په اړه خبرو ته چمتو دی او په دې اړه خبرېاترې هم روانې دي.
له دې سره هممهاله د افغانستان او پاکستان د سوداګرۍ ګډې خونې مسوولان وايي، له خبرواترو او د څو دوهاړخیزو مواردو له حل وروسته به د دواړو هېوادونو ترمنځ ترجیحي سوداګري پیل شي.
پاکستاني رسنیو د جمعې په ورځ د دغه هېواد د مرکزي بانک له قوله خبر ورکړ چې په ۲۰۲۳ کال کې افغانستان ته د پاکستان د خوراکي توکو په صادراتو کې ۷۶ سلنه کموالی د افغانستان اقتصادي ستونزې نورې هم زیاتې کړې دي.
د سرپرست حکومت د کډوالو او بېرته راستنېدونکو چارو وزارت مسوولان وايي، له پاکستان څخه د افغان کډوالو د را اېستلو دویم پړاو په پیل کېدو سره سره له دغه هېواده د په زوره را اېستونکو کډوالو شمېر د تېر هغه پړاو په پرتله کم شوی دی. د دغه وزارت ویاند وايي، د کډوالو د را اېستلو د دویم پړاو له پیل سره هممهاله د ورځې له پنځوسو تر شپېتو افغان کورنۍ هېواد ته راګرځي.
د افغانستان او پاکستان د سوداګرۍ ګډې خونې له پاکستانه غوښتي چې د کراچۍ–پېښور د اوسپنې پټلۍ د افغان او پاکستاني سوداګرو د سوداګرۍ برخه کې د اسانتیاوو برابرولو لپاره بېرته پرانېزي.
په اسلاماباد کې د افغانستان او پاکستان د سوداګرۍ د ګډې خونې رییس ضیاالحق سرحدي سلاموطندار ته ویلي چې اوس له کراچۍ څخه پېښور ته د سوداګریزو توکو د لېږدرالېږد لګښت د تېلو د لوړې بیې له امله څو برابره زیات شوی او د دواړو هېوادونو سوداګرو ته یې زیان رسولی دی.
د پاکستان د مشرانو جرګې غړیو پرون په کورنیو ټاکنو کې د دغه هېواد پخوانی لومړی وزیر یوسف رضا ګیلاني د خپل مشر په توګه ټاکلی دی.
اېکسپرېس ټرېبیون لیکلي چې ګیلاني پرون (د اپرېل نهمه، د سهشنبې ورځ) د ۴۱ مثبتو رایو په ګټلو سره د مشرانو جرګې د رییس په توګه ټاکل شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
